2 iKɔrɔntos 2:13 - ɛWee ne ìTsɛm iHywas

¹³ Gbik ne phɛ ɛlɛy, sɔng irway nge kaa ne jung laal nang, daa ɛli ne sɔng nggaa bhɛ sɛ ɛgwaa nge ɛTitus segha ne iTurasa de nang. Ne n tek iTaruwasa de mbɛ ne iMakyidɔniya, mbɛ tɔk ɛTitus segha.

2 iKɔrɔntos 2:13 ပူးပေါင်းရင်းမြစ်များ

ɛMarakus 6:46

Kɛ ne sɛ ɛ kɛ yɛk ninyi na ne nkiinɛ wo, ne ɛbhɛ wara daa ne ɛwarang ɛ roo ne ɛTaanggbey.

ɛTomɛ 21:6

ɛTsim mɛ njwi kɛ yɛk en ne nkiinɛ, njwi ne lel ndɔ ɛgyirigyi inɛn na, ninaa ne roos sa ne ji kyii nibhɛ hyil en.

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

2 iKɔrɔntos 12:18

Nggaa roo ɛTitus se te ɛ yɛɛs, nggaa ne byinki nibhɛ ne ɛdɛ ɛgwaa gha nibhɛ yɛɛs. Hang ɛTitus sa kaa yung i luk nyini naa? Kwa! ˆƐɛ ma yɛɛ ɛn ɛli ne njwit to ne ɛTitus sa njwi bok iKabyik idaan nɛ, njwii mɔn nikɔn na nidaan nɛ.

2 iKɔrɔntos 7:13

iPhɛ phɛ kɛ te itsɔngɔl mos de kɛ te gɛgɛy yo. Kang ne itsɔngɔl de ne kɛ te njwii nɛ gɛgɛy yo, izenge ɛlɛ njwi ne bok irway ihwala gbom daa ne ihywee ne irway ihwala da ne ɛTitus sa bok ko, daa ɛli ne gbik mon no ɛ kɛ phyik ɛn ne te ɛbhɛ itsɔngɔl de gɛgɛy.

2 iKɔrɔntos 7:14

Ɛli ne nggɛ tɔng ɛbhɛ wu nzi hal ɛgyɛy ya ne nyinɛn no, sɔng nggɛ ne sɔ ncwa nang. Ɛli ne gbik ɛkɔn na ne njwi kɛ tɔng nyini wo ɛ so itin nɛ wo, ɛlɛy ne hal ɛgyɛy mos da daa mon no kɛ ma teye itin nɛ ɛnu ɛyisɛ ɛTitus sa.

2 iKɔrɔntos 8:16

Njwi bok irway ihwala ne ɛTaanggbey ne ɛbhɛ kɛ nang ɛTitus se irway ne phyik nyini ɛli ne nggaa ku i has irway.

2 iKɔrɔntos 8:23

Ɛbhɛ ɛTitus sa so ɛhaa ne njwii mɔn ɛtomɛ gha ne ɛbhɛ te sɛ i phyik nyini. Nigwaa ifaa yɛnaa wo nɛ nibhɛ so ne ɛbhɛ wo, ninaa ne roos sa nibhɛ kɛ ne tom nibhɛ, ɛtomɛ nibhɛ gha i ne nang ɛKiriti ye ne ndiinday.

2 iKɔrɔntos 8:6

Ne sɛ njwi kɛ yaang ɛlɛ wo, njwi ne roo ɛTitus segha ne ɛbhɛ ɛ kɛ ku tsa ɛtomɛ ne ìnang ngɛghaa wo, te ɛ re ɛnu ɛyisɛ.

iGalatiya 2:1

Kɛ ne sɛ ɛtsim ne ishay ɛnduwubɔ ne ifɛ inwaas ne n roos ɛBanabas se njwii phɛ ne iYɛrushɛlɛm be dɔng ngga ne boos ne ɛTitus se.

iGalatiya 2:3

ɛNyi ne ihywel nge ɛTitus sa kaa ne so ɛnyi ne iHelas, gbik ne iphɛ ɛlɛy, sɔng kaa ne yɛk ɛbhɛ nɛ nggbinggbing ɛ hyɛ itee de nang.

2 ɛTimɔti 4:10

Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

ɛTitus 1:4

ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.