2 iKɔrɔntos 2:12 - ɛWee ne ìTsɛm iHywas

¹² Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

2 iKɔrɔntos 2:12 ပူးပေါင်းရင်းမြစ်များ

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 16:11

Njwi ne tek iTurasa de njwi lel ne ɛgyirigyi inɛn njwi phɛ ne iSamɔtakiya. Ne sɛ ihwɛlɛ yɛ, njwi ne bhɛ hɔn iNipolis.

ɛTomɛ 16:8

iPhɛ ɛlɛy, nibhɛ ne roos iMasiya de nibhɛ phɛ ɛgarang ne iTurasa.

ɛTomɛ 20:8

iFitila kaa ne sonɛ gbom daa ne ijwee ne irywa wo ne njwi kaa tumɛy yɛwo.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

1 iKɔrɔntos 16:9

Daa ɛli ne kɛ phaal me nkpiinɛ nitomɛ na gbom ndɔ ne iFisus de, ninaa ne iphup ne ma jung sonɛ gbom.

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

1 iKɔrɔntos 9:14

Ne ma so ɛlɛy ne mang, ɛTaanggbey ya kɛ yɛk ngɛ, ɛ bo wu ninyi na nɛ nibhɛ sanga ibol iyɛnɛng ngge nibhɛ aa ne ma sɛ ire nibhɛ de nɛ ne ndɔ yɛ.

1 iKɔrɔntos 9:16

Sɔng nzi ne hal ɛgyɛy ya daa ɛli ne nzi sanga ibol iyɛnɛng ngge nang, daa ɛli ne iphɛ some nggbinggbing mɔn ɛlɛy. Ɛɛy! iPhɛ ne some ɛkɔn ne ɛnik, wu nggɛ sang sanga ibol iyɛnɛng ngge.

2 iKɔrɔntos 10:14

Daa ɛli ne ɛ ma so ɛn ndɔ ninyi na ne ɛTaanggbey ya kɛ tom njwii nɛ wo, sɔng njwi kɛ phee igbak nten de ne njwi kɛ tɔng nyini iBol iYɛnɛng ɛKiriti de nang.

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

2 iKɔrɔntos 11:7

Sɔng nggɛ yɔng wu te ɛ tal ɛn mɛɛn nten de ne nggɛ sanga iBol iYɛnɛng ɛTaanggbey de ndɔ mon no nang. Nggɛ laasek ito nge te n te ɛ te ɛn nyini ninyi. iPhɛ ne so ɛfɔt ne nggɛ mɔn ne i?

2 iKɔrɔntos 4:3

Wu ibol iyɛnɛng ngɛ de wo ne njwii sanga wo so gying, iphɛ ne so gying ɛlɔ ɛnyi gha ne ɛ so ne nkiinɛ ne iku.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

2 iKɔrɔntos 8:18

Njwi kɛ ne tom ɛTitus segha nibhɛ nɛ ɛdɛ ɛgwaa gha ne ngka ɛbhɛ kɛ shwalat gbom ɛlɔ ne sanga ibol iyɛnɛng ngge ndɔ ninaa ne idira ninaa ne roos de.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.