2 iKɔrɔntos 2:1 - ɛWee ne ìTsɛm iHywas

¹ Nggɛ bo ndɔ ne irway nge, sɔng nzi sim te nzɛ ta yɛɛs ɛlɔ mon na n bak nyini irway ishwii nang.

2 iKɔrɔntos 2:1 ပူးပေါင်းရင်းမြစ်များ

ɛTomɛ 11:29

Ninaa ne roos ne iNtakiya na ne bol nibhɛ sime nɛ wu ɛrɔngɔ yaa nang ɛkɔn na ne aa yɛɛ ne nang ngɛ te i phyik ninaa ne roos ne iYahudiya na nɛ.

ɛTomɛ 15:2

Sɔng ishamas ncɛt ne ɛBulus sa gbik ne ɛBanabas sa kaa ne re nɛ ninyi yɛnaa nggyɛ wo daa ne ibol lɛdee wo nang. iPhɛ ɛlɛy, ninaa ne roos sa ne karase ɛBulus segha ne ɛBanabas sa gbik nɛ nidɛng ninyi na nibhɛ tom nibhɛ ne iYɛrushɛlɛm be tɛ nibhɛ bhɛ sɛ ninɔn ne tom ma nɛ ninu ne ikɔɔn na nibhɛ phom nibhɛ ibol lɛ.

ɛTomɛ 15:37

ɛBanabas sa ne i sim te ɛYohana gha ne bok ɛbhɛ ɛMarakus sa sɛɛ roos nibhɛ.

1 iKɔrɔntos 2:2

Daa ɛli ne nggaa ku rop ndɔ ne irway nge, nten de ne nggaa so ɛlɔ mon na, wu hang naa bol ihak ibol kang ne ibol ɛYɛso ɛKiriti de ne idee ne igangat ɛbhɛ daa ne ihon no.

1 iKɔrɔntos 4:21

ɛYa ɛkɔn ne ɛ kɛ kasa ɛn ne, n yɛɛs ɛlɔ mon na ne ihon tsasarak ghe, hang n yɛɛs ndɔ ne ishwim te n boos nyini hywɛɛ?

1 iKɔrɔntos 5:3

Nzi yɛɛ sɔng nggɛ so ne nyinɛn ndɔ ne ibek kang, nzi ne tas nyini te ɛli ne nzo ndɔ mon. Nggɛ ne ku hyɛ ɛnyi gha ne ɛ kɛ mɔn ihywee ɛkɔn nɛdee wo ɛshara ndɔ ne irywɛɛk ɛDaray njwɛɛn ɛYɛso.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 2:4

Nggaa haa nyini nɛ wo nten de ne nggaa so ndɔ ne nggbang ne irway ishwii gbom nɛ niyilis. Sɔng nggaa mɔn ɛlɛ wo te n bak nyini irway ishwii nang, nggaa yang i sim te ɛ sɛ seng ɛn, ɛli ne nzi sim nyini ndɔ ɛkyukyum ne irway nge.

ɛTitus 3:12

Ya sɛ nggɛ tom ɛTimas segha, hang ɛTikyikus sa ɛlɔ mo gha, te ɛ ne ˆɛ tukit, ˆɛ yɛɛs ˆɛ sɛ me ne iNikafolis ne ivel iGiris, daa ɛli ne nzi sim te nzɛ re ikos ɛnggyɛ wo.