2 iKɔrɔntos 13:7 - ɛWee ne ìTsɛm iHywas

⁷ Njwii bol ne ɛTaanggbey ɛli ne aa yung mɔn ɛn ɛkɔn ne ɛ sang so ɛyɛnɛng ngɛ. Sɔng njwii ne bo wu njwi kɛ ku taal yɛnɛng nang, njwii yang sim te ɛ sɛ mɔn ɛn ɛkɔn ɛyɛnɛng, gbik ɛli ɛbyin ninyi na i wɛɛ te njwi taasek ko.

2 iKɔrɔntos 13:7 ပူးပေါင်းရင်းမြစ်များ

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛYohana 17:15

Sɔng ɛroo nge gha i bo wu te ɛ tul nibhɛ ndɔ ɛzay ya nang, nzi bo wu te ɛ kyɛngɛse nibhɛ ɛlɔ ɛbebhe gha.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

iRooma 12:17

Wu ɛnyi gha kɛ mɔn nɛ ibebhe, sɔng ɛ tal ɛbhɛ nɛ ne ibebhe ɛbhɛ de nang. Wɛɛ nyini hywɛɛ te ɛ mɔn ɛn ɛkɔn na nɛ ninyi na gbik i yaang ɛ kɛ jam.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 10:18

Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

2 iKɔrɔntos 13:6

Nzi ne sim te ɛ sɛ seng ɛn wu njwi kɛ tɔɔrek itso mos wu njwi so ninɔn ne tom ɛtsak.

2 iKɔrɔntos 13:8

Sɔng njwi aa mɔn ɛdɛ ɛkɔn na ne ɛ bok itsobhok ne itin de nang, itin de zɔng ne njwi yaa ku i roos.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

2 iKɔrɔntos 8:21

iCwas mos da so, te njwi mɔn ɛkɔn na ne aa jam, sɔng ɛnu ɛyisɛ ɛDaray zɔng nang, gbik ne ɛnu ɛyisɛ ninyi.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 ɛTimɔti 2:2

Te bol ne ɛTaanggbey ya ɛlɔ nigɔm gbik nɛ ninaa nibhɛ bok igbɔm ba, te njwɛɛn shɛɛ ncaang, ne irway ne laal, njwɛɛn nang ɛTaanggbey yegha ne ndiinday ndɔ ne nkpiinɛ da gbik ne ishwɛɛ ne ifɛ so kancɛng ne ishwɛɛ ninaa ne roos.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

2 ɛTimɔti 4:18

ɛTaanggbey yaa phɔt me ndɔ ne ibebhe de gbik, ɛ hyel ne mee ncaang ɛbhɛ hɔn ne igbɔm ɛdaa ne irywa da. Te nang ɛTaanggbey ye ne ndiinday ne ishay-ishay. Ɛɛy.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.