2 iKɔrɔntos 13:4 - ɛWee ne ìTsɛm iHywas

⁴ Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 13:4 ပူးပေါင်းရင်းမြစ်များ

ɛYohana 10:18

Sɔng ɛnyi yaa ne phɔt iken nge de nɛ me wo nang, mee nzi naas iken de ne ishwim nge. N bok ito ne nang iphɛ, gbik ne ito ne bo iphɛ dɔng. ɛKyɛɛ nge gha ɛbhɛ kɛ yɛk me nɛ te mɔn ɛlɛ wo.”

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

ɛTomɛ 3:16

Nang ne itin ne irywɛɛk ɛYɛso iphɛ kɛ te ɛnyi yɛghaa wo ne ɛ yɛɛn ɛn ɛbhɛ ɛ ta yaang ɛn no kɛ yɛk ihwet da. Kɛ lenɛ ne ìnang ne itin ndɔ ne irywɛɛk ɛYɛso ɛnyi yɛghaa kɛ te ɛken na gbik ko. Gbik mon no ɛ yaang ɛn.”

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

iRooma 14:9

Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.

iRooma 6:4

Kaa ne Lenɛ ne ibatisima njwɛɛn de, ne rɛɛ njwɛɛn ne ɛYɛso gha ndɔ ne iku ɛbhɛ de te lenɛ ɛli ne kaa yiisik ɛKiriti yegha tsik ndɔ ne ikpuu da ndɔ ne ito-ndiinday ɛTaanggbey de, te njwɛɛn ma yaa shɛɛ ishwɛɛ ne iken iphas.

1 iKɔrɔntos 1:25

Daa ɛli ne iwamang ɛTaanggbey de phyin ntsɛntsɛng ɛten ɛsii de, ikyɔkyɔt ɛTaanggbey de ne ta phyin ihwet ɛten ɛsii da.

1 iKɔrɔntos 15:43

I rɛɛ ibek ge ndɔ ne ishis, ne yiisik iphɛ ndɔ ne ndiinday. I rɛɛ iphɛ ndɔ ne kyɔkyɔt, ne ji yiisik iphɛ ndɔ ne ihwet.

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

1 iKɔrɔntos 6:14

ɛTaanggbey ya kaa yiisik ɛDaray yegha tsik ndɔ ne ikpuu, ɛ sɛ ne ma yiisik njwɛɛn tsik ndɔ ne ikpuu ba lenɛ ne ihwet ɛbhɛ.

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

iFilibi 3:10

Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

iBirani 5:7

Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.