2 iKɔrɔntos 13:10 - ɛWee ne ìTsɛm iHywas

¹⁰ iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 13:10 ပူးပေါင်းရင်းမြစ်များ

1 iKɔrɔntos 4:21

ɛYa ɛkɔn ne ɛ kɛ kasa ɛn ne, n yɛɛs ɛlɔ mon na ne ihon tsasarak ghe, hang n yɛɛs ndɔ ne ishwim te n boos nyini hywɛɛ?

1 iKɔrɔntos 5:4

I sɛ ɛ kɛ tum ɛn nyini ndɔ ne irywɛɛk nge wo, icwas nge ne so daa mon, gbik ne ihwet ɛDaray njwɛɛn ɛYɛso.

2 iKɔrɔntos 10:2

Nzi roro ne nyinɛn, sɔng ɛ te ɛn mɛɛn n boos nyini nzaratat ne sɛ́ sɛ nggɛ yɛɛs so nang, daa ɛli ne nzi yɛɛ nzɛɛ yɛɛ ne tɔɔrek nzaratat nge de daa ninyi nɛ nibhɛ bo wu njwii mɔn ɛtomɛ mos sa ne icwas ɛzay da.

2 iKɔrɔntos 10:4

Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

2 iKɔrɔntos 10:8

Wu nggɛ hal ɛgyɛy ya daa ne ihwet da ne ɛDaray ya kɛ nang njwii wu te byinɛ nyini nɛ wo i sang kyii tobhos nyini nɛ wo, sɔng iphɛ ne so ɛkɔn ne ncwa nang.

2 iKɔrɔntos 13:2

Nten de ne nggaa yɛɛs iyɛɛs ne ifaa nge da, nggaa ne kpɛngke ninyi na nɛ nibhɛ kaa mɔn ɛfɔt to ɛyisɛ gha gbik ne ɛbyin ninyi na. Nzi ne ta tiil ikpɛng ngɛdaa wo ɛlyilyɛghaa wo ne n sang so ɛlɔ mon na. Sɛ ne sɛ nggɛ yɛɛs so sɔng nzɛ ne tek nibhɛ yɔyɔk nang.

2 iKɔrɔntos 13:8

Sɔng njwi aa mɔn ɛdɛ ɛkɔn na ne ɛ bok itsobhok ne itin de nang, itin de zɔng ne njwi yaa ku i roos.

2 iKɔrɔntos 2:3

ɛKɔn na ne ɛ kɛ te nggaa haa nyini ɛwee yɛwoo nggyɛ wo nang daa ɛli ne sɔng nggaa sim ninyi na nɛ nibhɛ sɛɛ nang me irway ihwala da nibhɛ kyii bees me irway nang. Daa ɛli ne nzi yɛɛ wu n bok irway ihwala da, gbik mon aa ne ma bok ɛn irway ihwala ne mang.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

ɛTitus 1:13

iBol lɛdee wo ne so itin nɛ. iPhɛ ɛlɛy ne ɛ nep nibhɛ gbom tɛ nibhɛ see iling ndɔ ne ìnang ne itin de.