2 iKɔrɔntos 12:9 - ɛWee ne ìTsɛm iHywas

⁹ Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

2 iKɔrɔntos 12:9 ပူးပေါင်းရင်းမြစ်များ

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

1 iKɔrɔntos 2:5

te ìnang ne itin mon da kyinak daa ne igbom ɛTaanggbey, sɔng daa ne ntsɛntsɛng niten nisii nang.

2 iKɔrɔntos 11:30

Wu iphɛ so nggbinggbing naa hal ɛgyɛy ya, naa ne hal ɛgyɛy ya daa nikɔn na nɛ nibhɛ kɛ tɔɔrek ikyɔkyɔt nge.

2 iKɔrɔntos 12:1

iPhɛ so nggbinggbing nggu i hal ɛggyɛy ya, nzi ne yɛɛ sɔng iphɛ yaa phyik ne ɛkɔn nang. ɛLyilyɛghaa wo, naa ne bol daa nikɔn na ne ɛDaray ya kɛ phaal me nɛ ndɔ nibok ne iyuwa.

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

2 iKɔrɔntos 12:5

Na ne hal ɛgyɛy ne ɛnyi yɛghaa nggyɛ wo, sɔng na hal ɛgyɛy ya ne ito nge nang, naa yang wɛɛ itaasek nge.

iFisus 3:16

Nzi bol ne ɛTaanggbey ya wu te ɛ nang nyini ìnang ne ito-ndiinday ɛbhɛ ne iphɛ sang ɛgak, te ɛ te nyini itsɔngɔl gɛgɛy ne ihwet ɛbhɛ te ˆɛ yɛk ɛn irywa nviit lenɛ ne iKabyik ɛbhɛ.

iFilibi 4:13

Nzɛ yɛɛ ne shɛɛ ishwɛɛ da ne nggɛ sɛ ito nge nɛ daa ɛli ne ɛKiriti gha ɛbhɛ ɛ naas me ihwet tɛ.

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

iBirani 11:34

Nibhɛ ne te ɛgbaang ne igboo wo te tang ihwet ɛlɔ nibhɛ, nibhɛ ne phɔrɔt ɛlɔ ninyi nɛ nibhɛ sim nibhɛ yaa tɛm nibhɛ ne ihywa. Kaa hyere ikyɔkyɔt nibhɛ de iphɛ kyii teye ihwet. Nibhɛ kaa ne yɛk ihwet ne ta itsom, nibhɛ roos nisooja nigarang nga kang-ka-kang.

iBirani 4:16

iPhɛ ɛlɛy, ne njwɛɛn shompeey cɛcɛk ne ɛcuruu ne igbɔm ɛTaanggbey ya ne irway nviit, te njwɛɛn sɛ isan iyɔm ɛTaanggbey, njwɛɛn ta sɛ izɛɛng ne ihywɛ yaa phyik njwɛɛn nten de ne njwɛɛn i tɔk iphyik ga.