2 iKɔrɔntos 12:7 - ɛWee ne ìTsɛm iHywas

⁷ Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

2 iKɔrɔntos 12:7 ပူးပေါင်းရင်းမြစ်များ

iGalatiya 4:13

Ɛ yɛɛ ɛn wu isha ihywɛ kɛ te me n sang n tɔng nyini ibol iyɛnɛng ngge.

1 iKɔrɔntos 5:5

iPhɛ ɛlɛy, ne ɛ nang ɛn ɛShɛtan ne ɛnyi yɛghaa wo. Te ɛ baasek ibek ɛbhɛ de ne iphɛ so idee ne ɛfɔt de nggbang, te iken ɛbhɛ de sɛ ne phɔrɔt ɛtuk ka ne ɛDaray ya sɛ bhɛ kyii wo.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

1 iKɔrɔntos 4:11

ɛLyilyɛghaa wo, njwi so kpyak, irway mos i has, sɔng njwi bok itsura iywɛnɛng nang, i lɛng njwii, sɔng njwi bok ijwee nang.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

ɛLuka 13:16

ɛKuk kɛghaa wo ne so ihywèè ɛBaraying ne ɛShɛtan kɛ rop ishay ɛnduwubɔ ne iphɛ ɛnaras. Yaa ne mɔn ɛlii i sang biri ɛbhɛ izenge wo wu ɛtuk kɛ so ɛtuk ne iWɛsɛ ghaa?”

ɛMacu 26:67

Nibhɛ ne tuk ɛbhɛ ne ncwincway ɛyisɛ, nibhɛ hal ɛbhɛ, nidɛng ne babha ɛbhɛ.

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 12:1

iPhɛ so nggbinggbing nggu i hal ɛggyɛy ya, nzi ne yɛɛ sɔng iphɛ yaa phyik ne ɛkɔn nang. ɛLyilyɛghaa wo, naa ne bol daa nikɔn na ne ɛDaray ya kɛ phaal me nɛ ndɔ nibok ne iyuwa.