2 iKɔrɔntos 12:21 - ɛWee ne ìTsɛm iHywas

²¹ N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

2 iKɔrɔntos 12:21 ပူးပေါင်းရင်းမြစ်များ

2 iKɔrɔntos 13:2

Nten de ne nggaa yɛɛs iyɛɛs ne ifaa nge da, nggaa ne kpɛngke ninyi na nɛ nibhɛ kaa mɔn ɛfɔt to ɛyisɛ gha gbik ne ɛbyin ninyi na. Nzi ne ta tiil ikpɛng ngɛdaa wo ɛlyilyɛghaa wo ne n sang so ɛlɔ mon na. Sɛ ne sɛ nggɛ yɛɛs so sɔng nzɛ ne tek nibhɛ yɔyɔk nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iGalatiya 5:19

Nikɔn ne ɛfɔt ta ne ibek ge sim mo ku so kpas. Nibhɛ naa ɛlɛ: re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa,

1 iKɔrɔntos 5:1

Nggɛ phok ɛtsak ibol ne nzangas de ne ɛ ra ɛn ndɔ mon no, izee ne sɔng kɛ ma yung ku phok ɛlɔ ninaa ne sang yɛɛ ɛTaanggbey ye nang, wu ɛdɛng kɛ bo ɛkuk ɛkyɛɛ te ɛhaa ɛbhɛ.

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

ɛYahuza 1:23

Phɔt ɛn ɛbyin nɛ te ˆɛ kɛ tul ɛn nibhɛ ndɔ ne igboo. Te ˆɛ san ɛn iyɔm ɛbyin nɛ ndɔ ne ɛnik ɛTaanggbey, ˆɛ phok ɛn ishis ne itsura nibhɛ da nɛ nibhɛ kɛ bees ne ihyop ne ibek nibhɛ de.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

2 iKɔrɔntos 10:6

ɛTsim mɛ njwi kɛ seng ɛ kɛ tɔɔrek ɛn wu ɛ so ɛn ninaa ne roos ibol ɛKiriti de, njwi kɛ ne ji ryɔng en njwi yaa bak gbik ɛnyi gha ne ɛ kɛ sang roos ibol ɛKiriti de nggbang.

2 iKɔrɔntos 8:24

iPhɛ ɛlɛy ne ɛ tɔɔrek ɛn ninyi yɛnaa wo wu ɛtsak ɛ bok ɛn ishwim. Ne ɛ ta tɔɔrek ɛn nibhɛ ɛkɔn na ne ɛ kɛ te njwii hal ɛgyɛy ya ne nyinɛn no, te idira ninaa ne roos de ne ma yaang wu iphɛ so ɛlɛy.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 9:2

N bok irway ishwii gbom, irway nge ne bees se cɛcɛɛy.