2 iKɔrɔntos 12:20 - ɛWee ne ìTsɛm iHywas

²⁰ N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

2 iKɔrɔntos 12:20 ပူးပေါင်းရင်းမြစ်များ

iRooma 1:29

iRway nibhɛ ba so hyɔrɔ ne yɔm ne icik, ne ibebhe de ihywee-ihywee; ɛnyɛs, ne irisɛ, sim ito. Nibhɛ so hyɔrɔ ne ɛnkyis, ne irway ne phoo ɛnyi, ne irywen, ne iluk gbik ne irway ishwii. Nibhɛ ta bok ivol mumuk,

iRooma 1:30

Nibhɛ so ninaa ne ivol ikpɛɛ, ninaa ne iphup ne ɛTaanggbey. Ninaa ne towos, ninaa ne tɔɔsek ito, ninaa ne hal ɛgyɛy, ninaa ne robhos ibebhe, nɛ ninaa nibhɛ sang phok ibol nikyɛɛ.

iRooma 2:8

Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

1 iKɔrɔntos 1:11

Nigwaa en, nidɛng ndɔ ne ijwee ɛKulu kɛ tɔng me nibhɛ bo wu ishisim so ndɔ mon.

1 iKɔrɔntos 14:33

Daa ɛli ne sɔng ɛTaanggbey njwɛɛn na soye ɛhaa ne ikabyik buruburu nang, ɛ soye ɛhaa ne irway ne laal. ɛLɛy ne iphɛ ne so ndɔ idira ninaa ne roos de gbik.

1 iKɔrɔntos 5:2

Ɛɛ ne ji hal ɛn ɛggyɛy! Kanduk sɛɛ ma yung yɔng ɛ san ɛn te ɛ tul ɛn ɛnyi gha ne ɛ kɛ mɔn ihywee ɛkɔn nɛdee wo ndɔ ne ìtsɛm mon de.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

2 iKɔrɔntos 10:2

Nzi roro ne nyinɛn, sɔng ɛ te ɛn mɛɛn n boos nyini nzaratat ne sɛ́ sɛ nggɛ yɛɛs so nang, daa ɛli ne nzi yɛɛ nzɛɛ yɛɛ ne tɔɔrek nzaratat nge de daa ninyi nɛ nibhɛ bo wu njwii mɔn ɛtomɛ mos sa ne icwas ɛzay da.

2 iKɔrɔntos 10:6

ɛTsim mɛ njwi kɛ seng ɛ kɛ tɔɔrek ɛn wu ɛ so ɛn ninaa ne roos ibol ɛKiriti de, njwi kɛ ne ji ryɔng en njwi yaa bak gbik ɛnyi gha ne ɛ kɛ sang roos ibol ɛKiriti de nggbang.

2 iKɔrɔntos 12:21

N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

2 iKɔrɔntos 13:2

Nten de ne nggaa yɛɛs iyɛɛs ne ifaa nge da, nggaa ne kpɛngke ninyi na nɛ nibhɛ kaa mɔn ɛfɔt to ɛyisɛ gha gbik ne ɛbyin ninyi na. Nzi ne ta tiil ikpɛng ngɛdaa wo ɛlyilyɛghaa wo ne n sang so ɛlɔ mon na. Sɛ ne sɛ nggɛ yɛɛs so sɔng nzɛ ne tek nibhɛ yɔyɔk nang.

2 iKɔrɔntos 2:1

Nggɛ bo ndɔ ne irway nge, sɔng nzi sim te nzɛ ta yɛɛs ɛlɔ mon na n bak nyini irway ishwii nang.

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.