2 iKɔrɔntos 12:2 - ɛWee ne ìTsɛm iHywas

² Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.

2 iKɔrɔntos 12:2 ပူးပေါင်းရင်းမြစ်များ

ɛLuka 24:51

Kɛ ne sɛ ɛ tɔ ne sirit nibhɛ ne ɛwɛng nga, ne ɛ tek nibhɛ i bo ɛbhɛ i wara nɛ daa ne irywa.

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

ɛTomɛ 14:6

Ne sɛ ɛBulus sa ne ɛBanabas sa kɛ seng ɛlɛ wo, nibhɛ ne tel nibhɛ phɛ nigarang ne iLisitira ne iDaribe nɛ nibhɛ so ne ivel ne iLikɔniya gbik nɛ nigarang nga nɛ nibhɛ kɛ te iLikɔniya de gyɔɔ.

ɛTomɛ 22:17

“Kaa ne sɛ ɛtsim mɛ ne nggɛ kyii ne iYɛrushɛlɛm be, nzo ndɔ ne iDeng nzi bol ne ɛTaanggbey ne n yaang iyuwa.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:7

Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 16:9

Kyili ɛn mɛ ɛn, ɛWulubanos se ne ɛ so ɛtaay mos ndɔ ɛtomɛ ɛKiriti gha. Ta kyili mɛɛn ɛnyi nge ɛSitakyi ye.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

2 iKɔrɔntos 11:11

Nzi bol ɛlɛ wo wu hang nzi sim nyini naa? ɛTaanggbey i yɛɛ ɛli ne nzi sim nyini wo.

2 iKɔrɔntos 13:5

Tɛɛsek ɛn itso mon, ɛ phom ɛn itso mon te ɛ seng ɛn hang ɛɛ shɛɛ ɛn ndɔ ne ìnang ne itin da yɔɔ. Ɛ doo ɛn ɛli ne ɛYɛso ɛKiriti gha so ndɔ mon no naa? Wu ɛ doo ɛn ɛli ne ɛKiriti gha so ndɔ mon no, kaabi sɔng ɛ bok ɛn ɛbhɛ nang.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 1:22

Nten nɛdee nggyɛ wo, sɔng ninaa ne roos ɛKiriti gha nɛ nibhɛ so ne iYahudiya de kaa ku yaang me ne irwisɛ nibhɛ nang.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 4:10

ɛNyi gha ne ɛ kaa tɔm mo ɛbhɛ kaa ne ta wara daa ne nyu ne irywa wo te ɛzay ya te hyɔrɔ ne ihyɔrɔ ɛbhɛ gbik.

1 iTasɔlɔnika 4:17

ɛTsim mɛ ɛlɛy, njwɛɛn no ne sɛ́ ne tɔ niken na, ne kɛ mak ndɔ ɛzay ya, sɛ́ ne ma ji bo njwɛɛn ndɔ ne inɔp i bhɛ sɛme en ne ɛDaray ya daa ɛphiri ne irywa. Njwɛɛn sɛ́ ne bhɛ shɛɛ ne ɛDaray ɛYɛso gha ishwɛɛ ne inat.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 9:24

Sɔng ɛKiriti gha kaa lel ɛLɔ gha ne kɛ Tul Kang i Shɛs ne ɛten ɛsii ɛbhɛ kɛ ryɔng nang. ɛLɔ gha ne ɛten ɛsii gha kɛ ryɔng ngo soye izazurum ninaa ɛdaa ne irywa de. ɛKiriti gha kɛ ne bhɛ lel daa ne irywa wo, te ɛbhɛ tɔɔrek ito ɛbhɛ ɛnu ɛyisɛ ɛTaanggbey ya ɛlɔ njwɛɛn ɛlyilyɛghaa wo.

Nikɔn ne kɛ Phaal 1:10

Kaa ne sɛ ɛdɛ ɛTuk ɛTaanggbey ya, iKabyik ge ne bo me, ne n bok ɛgbaang ne izɔlɔs i bol ne mee te ɛntuntuung ɛtsim nge.

Nikɔn ne kɛ Phaal 12:5

ɛKuk ka ne yɛk ɛngɔn ɛbhɛ gha ɛras sɛ, ne ɛbhɛ sɛ re igbɔm ne igbagha ɛzay yo gbik. iGbɔm ɛbhɛ da sɛ ne bok ihwet te ɛntsɛng ne igyɔs. Ne shii bo ɛngɔn na i tel lɛ, i phɛ ne ɛbhɛ ɛlɔ ɛTaanggbey, i bhɛ tek ɛbhɛ dak ɛcuruu ne igbɔm ɛbhɛ.

Nikɔn ne kɛ Phaal 4:2

Nɛ nten nɛ, iKabyik ne lel ndɔ mee, ne n yaang ɛcuruu ne igbɔm daa ne irywa, ɛdɛ ɛnyi gha kɛ soos nɛ.