2 iKɔrɔntos 12:19 - ɛWee ne ìTsɛm iHywas

¹⁹ Sɔng ɛ yung wɛɛ ɛn te njwii mɔn nikɔn na te njwi kyɛngɛse itso mos ɛlɔ mon na nang. ɛTaanggbey ɛbhɛ ɛ so ɛshɛɛda mos wu itin nɛ ne njwii tɔng ɛli ne ɛKiriti sɛɛ tɔng, te njwi byinɛ nyini ne njwii sim.

2 iKɔrɔntos 12:19 ပူးပေါင်းရင်းမြစ်များ

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 10:8

Wu nggɛ hal ɛgyɛy ya daa ne ihwet da ne ɛDaray ya kɛ nang njwii wu te byinɛ nyini nɛ wo i sang kyii tobhos nyini nɛ wo, sɔng iphɛ ne so ɛkɔn ne ncwa nang.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 10:14

iPhɛ ɛlɛy, nyinɛn no ne nzi sim nyini wo, sɔng ɛ phɛ ɛn cɛcɛk ne ɛlɔ ne re igunkyi de ntsong ngga nang.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

2 iKɔrɔntos 11:10

iTin ɛKiriti de ne iphɛ so ndɔ me wo kɛ te me nzi bo wu hang ɛnyi ne sonɛ ne ivel ne iKaya da ne aa ring me ne hal ɛgyɛy ya.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

2 iKɔrɔntos 3:1

Njwi yaa ne ji yaa ton ito mos see? Kwa! ɛByin ninyi na i tɔk te sɛɛ haa ɛwee nɛ ɛbhɛ yaa tɔɔrek ihywee de nɛ nibhɛ so, njwii ne tɔk ɛdɛng ɛlɔ mon naa? Hang yaa yang nang njwi ɛdɛng njwi yɛɛs nɛ ɛlɔ mon naa?

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

iRooma 12:19

Nigwaa en, sɔng ɛ tal ɛn irwyen da nang, yang tek ɛn ɛTaanggbey ye nɛ ɛbhɛ tal nyini nɛ te ɛli ne kɛ ku haa i bo; “ɛDaray ya i bo, ‘Mee nzo ɛhaa ne tal irywen da, ɛDaray ya bo, me na tal lɛ nɛ.’ ”

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

1 iTasɔlɔnika 5:11

iPhɛ ɛlɛy, te ɛrɔngɔ ne te ɛrɔngɔ itsɔngɔl gɛgɛy, te ɛrɔngɔ ryɔng ɛrɔngɔ ɛli ne ɛ ku mɔn ɛn no.

iBirani 6:9

Nigwaa nge ne nzi sim, ɛli ne njwii kyi bol ɛlɛ wo, njwi ne yɛɛ ncɛncɛng wu ɛ mɔn ɛn nikɔn niyɛnɛng nɛ nibhɛ kɛ tɔɔrek wu ɛ kɛ phɔrɔt ɛn.