2 iKɔrɔntos 12:14 - ɛWee ne ìTsɛm iHywas

¹⁴ Ɛlyilyɛghaa wo nzi sim te naa yɛɛs ɛlɔ mon na iyɛɛs ne itwat tɛ. Sɔng nzi ne bo aa tɔɔk ɛn irighitik nge nang, daa ɛli ne nyinɛn ne nzi sim sɔng nikɔn mon nang. Sɔng ninɔn na bhɛ tek ɛkɔn na nibhɛ wɛɛ nɛ niKyɛɛ nang, nikyɛɛ na bhɛ yang tek ɛkɔn na nibhɛ wɛɛ nɛ ninɔn nibhɛ.

2 iKɔrɔntos 12:14 ပူးပေါင်းရင်းမြစ်များ

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 10:24

Sɔng ɛ wɛɛ ito mo de zɔng ngo nang, ma wɛɛ ɛkɔn na ne aa phyik ɛgwaa mo ne mang.

2 iKɔrɔntos 1:15

Nzi ku yɛɛ iphɛ ɛlɛ wo, iphɛ phɛ kɛ te nggɛ ku i sim na tsa kyiisi nge da ɛlɔ mon na, te ɛ sɛ ɛn ɛwɛng ne ikyili nge da ɛte ɛphaa.

1 iTasɔlɔnika 2:11

Nyinɛn no ˆɛ ne yɛɛ ɛn, njwi kɛ boos ɛrɔngɔ ɛli ne ɛKyɛɛ i boos ninɔn ɛbhɛ.

ɛTomɛ 20:33

Sɔng nggɛ yɛk irisɛ ne ijam gbik nɛ nikɔn niyɛnɛng ɛdɛ mon nang.

1 iTasɔlɔnika 2:8

Daa ɛli ne njwi sim nyini gbom mo, sɔng njwi kɛ ne sim te njwi sɛɛ nang nyini iBol iYɛnɛng ngge ne iphɛ le ɛlɔ ɛTaanggbey ya zɔng nang, njwi kɛ ne ta phok yɛnɛng ne nang ikpen mos ɛlɔ mon. ˆƐ so ɛn ne irway mos gbom.

iFilibi 4:17

Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

1 iKɔrɔntos 16:5

Naa yɛɛs ɛlɔ mon na ɛtsim mɛ ne nggɛ roos ɛgarang ne iMakyidɔniya, daa ɛli ne n bok irway ne roos iMakyidɔniya de.

1 iKɔrɔntos 11:34

Wu ɛnyi gha ne ɛ so kpyak, te nɛ ɛ re ire de ne ijwee ɛbhɛ ɛlɔ ne itumɛ mon da ya yung hɔ nyini ɛshara. Daa ɛbyin nikɔn na nang, sɛ sɛ̀ nggɛ yɛɛs nzɛ ne kyi tɔng nyini.

1 iKɔrɔntos 4:19

Wu ɛTaanggbey kɛ ne sim, naa ne yungaa yɛɛs ɛlɔ mon na; sɔng nzɛ ne phɛl ihywee ne ivol ninaa ne tɔɔsek itso yɛdaa nggyɛ wo zɔng nang, nzɛ ne i seng ihywee ne ihwet da nɛ nibhɛ bok.

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

1 iKɔrɔntos 9:18

iKyee ne yaa ne ji tal mee? Yaa tal me ɛlɛ: wu naa sanga iBol iYɛnɛng ngge, te ne mɔn ɛlɛy tang i tal me, sɔng ne n yɔng wu nggbinggbing te nang me ɛkɔn na ne ɛ so yaa nang ninaa ne sanga wo nang.

1 iKɔrɔntos 9:19

Nzo ne ishwɛɛ ne ito nge, sɔng nzo me ɛkpuru ɛnyi nang, gbik ne iphɛ ɛlɛy, nggɛ ne bo ito nge te ɛkpuru ninyi na gbik te nzɛ n hɔ ninyi gbom.

2 iKɔrɔntos 11:9

Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

2 iKɔrɔntos 12:13

ɛYa nkiinɛ ne ˆɛ lap ɛn nyini ne ɛbyin ninaa ne roos saa? Yaa yɔng ɛli ne nggaa sang sim ɛ phyik ɛn mɛɛn ne ijam bee? Ne ɛ hana ɛn mɛ ɛn nɛ!

iGalatiya 4:19

Ninɔn nge! iBol mon de rɔ me te ɛli ne ɛngɔn i rɔ ɛkuk. Naa ne maa sɔ nggbang ngɛdaa wo bhɛ hɔn nten de ne yaa yaang ɛKiriti ndɔ mon no.