2 iKɔrɔntos 12:10 - ɛWee ne ìTsɛm iHywas

¹⁰ Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 12:10 ပူးပေါင်းရင်းမြစ်များ

2 iKɔrɔntos 12:9

Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

iFisus 6:10

ɛTsim mɛ gbik, yɛk ɛn ihwet ndɔ ɛDaray ya. Yɛk ɛn ihwet da daa ne igbom ɛbhɛ ne ndiinday ɛbhɛ.

iRooma 5:3

Sɔng ɛlɛ wo zɔng nang, njwɛɛn bok irway ihwala ndɔ ne nggbang ngga ne njwɛɛn i sɔ wo daa ɛli ne njwɛɛn i yɛɛ wu nggbang ngga i yɛɛs ne irway nviit.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

2 iKɔrɔntos 1:4

ɛTaanggbey ɛbhɛ wɔrɔp njwii nten de njwi so ndɔ ne nggbang, te njwi ma sɛ njwi wɔrɔp ninaa nɛ nibhɛ sɔ nggbang ngga ne ihywee ne iwɔrɔp ba ne njwii sɛ ɛlɔ ɛTaanggbey ya.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

2 iKɔrɔntos 5:15

ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛYohana 15:21

Nibhɛ yaa mɔn nyini ɛlɛ wo daa ɛli ne ɛ so ɛn ninyi nge; sɔng nibhɛ ne yɛɛ ɛHaa ne ɛ kɛ tom me wo nang.

1 iKɔrɔntos 4:10

Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

2 iKɔrɔntos 10:18

Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

2 iKɔrɔntos 7:4

Nggɛ cwaak nyini ndɔ ne irway gbom, nzi ne ta hal ɛgyɛy ne nyinɛn. Ɛ kɛ te ɛn mɛɛn itsɔngɔl gɛgɛy. Gbik ne nggbang ngga ne njwɛɛn i sɔ wo, sɔng irway ihwala nge da ne bok ɛgak nang.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.