2 iKɔrɔntos 12:1 - ɛWee ne ìTsɛm iHywas

¹ iPhɛ so nggbinggbing nggu i hal ɛggyɛy ya, nzi ne yɛɛ sɔng iphɛ yaa phyik ne ɛkɔn nang. ɛLyilyɛghaa wo, naa ne bol daa nikɔn na ne ɛDaray ya kɛ phaal me nɛ ndɔ nibok ne iyuwa.

2 iKɔrɔntos 12:1 ပူးပေါင်းရင်းမြစ်များ

ɛYohana 16:7

Nzi ne tɔng nyini itin nɛ: iPhɛ kɛ jam nyini nɛ te n bak ne ɛlɔ yɛwo, daa ɛli ne wu nggɛ sang hyel lo sɔng ɛHaa ne iPhyik ka yaa ne yɛɛs nyini nɛ nang, wu nggɛ ne hyel lo naa ne bhɛ tom nyini ne ɛbhɛ.

ɛYohana 18:14

ɛKayafa gha ɛbhɛ kaa ne ku yaak niYahodawa na wu iphɛ kɛ jam mɛ ɛnyi ɛdaan ku ɛlɔ ninyi maa na.

ɛTomɛ 18:9

Ne sɛ ɛdɛ ɛtuk, ɛDaray ya ne bol ne ɛBulus sa ndɔ iyuwa ɛ bok ɛbhɛ, “Sɔng ɛ phok ɛnik kang, maa sɛɛ ito ne tɔng ibol de, sɔng ɛ shɛɛ nggbyak kang.

ɛTomɛ 23:11

Ne sɛ ɛlɔ yɛ kɛ teye ɛtuk, ɛDaray ya ne yɛɛs ɛ kyinak cɛcɛk ne ɛBulus sa ɛ yaak ɛbhɛ, “Te irway nviit! ɛLi ne ɛ kɛ tɔng ninyi na ibol nge de ne iYɛrushɛlɛm be iphɛ ne so nggbinggbing ɛ ta bhɛ tɔng iphɛ ɛlɛy ne iRooma de dɔng.”

1 iKɔrɔntos 10:23

“Kɛ sim njwɛɛn nɛ te njwɛɛn mɔn nikɔn na gbik,” sɔng gbik nikɔn na kɛ ne jam njwɛɛn nɛ nang. “Kɛ sim njwɛɛn nɛ te njwɛɛn mɔn nikɔn na gbik,” Sɔng gbik nikɔn na ne ji bok iphyik nang.

1 iKɔrɔntos 14:6

Nigwaa en, wu nggɛ yɛɛs nzi bol ne nyinɛn ndɔ ne ilwem ba, iphɛ aa ne phyik nyini bɛ? Kwa! Naa phyik nyini wo wu nggɛ phaal nyini idɛ ibol de, hang ishweng yɔɔ, hang nggɛ bol te ɛnɛbi yɔɔ, hang nggɛ mɛmɛ nyini ne ibol ɛTaanggbey yɔɔ.

1 iKɔrɔntos 6:12

“Kɛ sim me nɛ wu te n mɔn nikɔn na gbik,” gbik ne iphɛ ɛlɛy sɔng gbik nikɔn na ne bok iphyik nang. “Kɛ sim me nɛ wu te mɔn nikɔn na gbik,” gbik ne iphɛ ɛlɛy, sɔng naa ne te me ɛkpuru ɛdɛ ɛkɔn na nang.

2 iKɔrɔntos 12:11

Nggɛ ne te me te ɛwamang, nyinɛn ɛ kɛ ne te ɛn mɛɛn n te me ɛwamang nga. iPhɛ kɛ jam mɛ sɛɛ yɔng nyinɛn no ɛɛ dɛp ɛn mɛɛn. Gbik ɛli ne nggyi sang so ɛkɔn na, sɔng iphɛ kɛ ne tɔɔrek wu “igbaang ninɔn ne tom” mon na ne phyin me nang.

2 iKɔrɔntos 12:5

Na ne hal ɛgyɛy ne ɛnyi yɛghaa nggyɛ wo, sɔng na hal ɛgyɛy ya ne ito nge nang, naa yang wɛɛ itaasek nge.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

2 iKɔrɔntos 12:9

Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

2 iKɔrɔntos 8:10

iBol de ne naa mɔng ninyi wo iphɛ dee lɛ, iphɛ kɛ jam mɛ ɛ taal ɛn ɛkɔn na ne ɛ kɛ tsa ɛn ne iwal de, sɔng ibol ne ìnang ngge ne ɛ kɛ nang ɛn no zɔng nang, ɛ kaa bok ɛn iyɔk kɛ.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iFisus 3:3

kaabi ɛTaanggbey ya kɛ phaal me ɛkɔn ɛbhɛ ne ɛ so gying, ɛ tɔɔl me ɛli ne nggɛ ne ma ku haal ncɛt to.

1 iTasɔlɔnika 4:15

Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.