2 iKɔrɔntos 11:9 - ɛWee ne ìTsɛm iHywas

⁹ Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

2 iKɔrɔntos 11:9 ပူးပေါင်းရင်းမြစ်များ

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 2:6

Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

iBirani 11:37

Kaa ne ta phengɛ nidɛng ne ikpɛɛ nibhɛ kus, ne hyɛghɛ nidɛng ne izoroto i hosope nibhɛ ɛphaa, ne hyɛghɛ nidɛng nɛ ihywa i phobho. Nibhɛ kaa sɔ iyɔm gbom, nibhɛ ne i yaak ghe ne ihuhu ntsabhak ne ᐩigyol. Nibhɛ kaa sɔ nggbang ne ɛmpyep.

iFilibi 2:25

Nzi ne yaang iphɛ kɛ jam mɛ nggyi tom nyini ne ɛBafaratus se ne ɛ so ɛgwaa nge, ɛtaay ɛtomɛ nge, ɛsooja te me ne ˆɛ kɛ tom ɛn ɛbhɛ te ɛ phyik me wo.

2 iKɔrɔntos 9:12

Daa ɛli ne ɛtomɛ ɛyɛnɛng ngɛghaa wo ne ɛ mɔn ɛn no, sɔng ɛ phyighis ninyi ɛTaanggbey ya zɔng nang, ɛ te ninyi gbom tɔɔrek ɛTaanggbey ye ne irway ihwala ne mang.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

ɛTomɛ 20:33

Sɔng nggɛ yɛk irisɛ ne ijam gbik nɛ nikɔn niyɛnɛng ɛdɛ mon nang.

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

ɛTomɛ 18:5

Ne sɛ ɛSila ne ɛTimɔti kɛ lenɛ iMakyidɔniya de nibhɛ bhɛ sɛ ɛBulus segha ne iKɔrɔntos de, ɛBulus sa ne ji ku bo nten ɛbhɛ gbik, ɛ sanga ibol iyɛnɛng ngge ɛ tɔɔsel niYahodawa na wu ɛYɛso ɛbhɛ so ɛKiriti gha.

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

1 iKɔrɔntos 16:17

Nggɛ bok irway ihwala ne iyɛɛs ɛTifanos sa, ne ɛFatunatus sa gbik ne ɛKayakus sa. Nibhɛ kaa mɔn nikɔn na ne sɛɛ yɔng nyinɛn ɛ kɛ mɔn ɛn.