2 iKɔrɔntos 11:31 - ɛWee ne ìTsɛm iHywas

³¹ ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

2 iKɔrɔntos 11:31 ပူးပေါင်းရင်းမြစ်များ

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

iKɔlɔsi 1:3

Njwii tɔɔsel ɛTaanggbey ye ne ɛbhɛ ɛ so ɛKyɛɛ ɛDaray njwɛɛn ɛYɛso ɛKiriti gha irway ihwala, gbik nten de ne njwii bol ne ɛbhɛ daa mon no.

2 iKɔrɔntos 1:3

Te dɛp ɛTaanggbey ye ne ɛ so ɛKyɛɛ ɛDaray ɛYɛso ɛKiriti njwɛɛn, ɛbhɛ so ɛTaa gha ne ɛ so hyɔrɔ ne san iyɔm, ne ɛTaanggbey ne wɔrɔp irway gbik.

iRooma 15:6

Te gbik nyinɛn no ɛ te ɛ ɛnu ɛdaan ɛ dɛp ɛn ɛTaanggbey ye ne irway ijwaan ne ɛbhɛ so ɛKyɛɛ ɛDaray njwɛɛn ɛYɛso ɛKiriti.

iRooma 1:25

Nibhɛ kɛ sunu itin ɛTaanggbey de iphɛ teye irywɛɛk. Nibhɛ ne kyi yaa re nikɔn ne ɛTaanggbey ya kɛ ryɔng ntsong nibhɛ mɔn nibhɛ nitomɛ, nibhɛ ji kyii tek ɛTaanggbey yegha ne ɛbhɛ ɛ kɛ ryɔng nikɔn na, ne ɛbhɛ ɛ so ɛhaa ne ya ku i dɛp ɛbhɛ ishay-ishay. Ɛɛy.

ɛYohana 10:30

Mee wo ne ɛkyɛɛ gha njwi so nidaan nɛ.”

1 ɛTimɔti 6:16

ne ɛbhɛ zɔng ne ɛ phyin ihwet ne iku. Ɛɛ shɛɛ ndɔ ne iwɛwɛy de ne hame ɛnyi sɛ yɛɛ ne phɛ cɛcɛk ne iphɛ. Ɛbhɛ ɛ soye ɛhaa ne hame ɛnyi kɛ ku yaang ɛbhɛ, ɛnyi i sang yɛɛ ne yaang ɛbhɛ. Te ne nang ɛbhɛ ne igbom gbik ne igbɔm ne sang taal le. Ɛɛy.

1 ɛTimɔti 1:17

Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

iFisus 3:14

ɛKɔn nɛghaa wo ɛbhɛ kɛ te nggɛ te ne irwa-nggburuk ɛnu ɛyisɛ ɛTaa gha.

2 iKɔrɔntos 11:11

Nzi bol ɛlɛ wo wu hang nzi sim nyini naa? ɛTaanggbey i yɛɛ ɛli ne nzi sim nyini wo.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

ɛYohana 20:17

ɛYɛso gha ne yɔngɔ, “Sɔng ɛ wum me nang, daa ɛli ne nggyi tɔ tang kyii mbɛ daa ɛlɔ ɛkyɛɛ gha. Yang cwi ɛlɔ nigwaa nge na ɛbhɛ mɔng nibhɛ ɛ yaak nibhɛ, ɛYɛso gha bo, ‘Naa kyii daa ɛlɔ ɛKyɛɛ ngɛ gha ne ɛ ma so ɛKyɛɛ mon na, ɛlɔ ɛTaanggbey nge gha ne ɛ ma so ɛTaanggbey mon na.’ ”

1 iTasɔlɔnika 2:5

Nyinɛn no ɛ yɛɛ ɛn, sɔng njwi kɛ ku bol nɛ nyinɛn ne ɛnu ɛbel nang. Sɔng njwi kɛ ne yɛɛs ndɔ ne iluk kaabi njwi bok irisɛ nang. ɛTaanggbey ɛbhɛ ɛ so ɛshɛɛda mos.

iGalatiya 1:20

iBol lɛ de wo ne nzi haa wo iphɛ soye itin nɛ. ɛTaanggbey i yɛɛ sɔng irywɛɛk ne nzi wul nang.