2 iKɔrɔntos 11:3 - ɛWee ne ìTsɛm iHywas

³ Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 11:3 ပူးပေါင်းရင်းမြစ်များ

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

2 iKɔrɔntos 11:29

Wu ɛdɛng kɛ te kyɔkyɔt, naa ne ma te kyɔkyɔt, wu kɛ te ɛdɛng ɛ mɔn ɛfɔt, ibol lɛ yaa ne tak me iyɔm.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

iGalatiya 1:6

iPhɛ some ɛkɔn ne kparat ne ˆɛ kɛ shii hyere nyini ˆɛ tek ɛn ɛnyi gha ne ɛ kɛ yel-le nyini lenɛ ne izɛɛng ɛKiriti de ˆɛ yaa roos ɛn ɛhak ɛnkiinɛ wo ne ˆɛ wɛɛ ɛn te ɛbhɛ ɛbhɛ so ibol iyɛnɛng ngge.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iGalatiya 4:11

iBol mon de tak me iyɔm. Sɛ tɛrɛk ya bo wu ɛtomɛ nge gha ne nggɛ mɔn no ndɔ mɔn yaa te buu ye?

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFisus 6:24

Te izɛɛng ɛTaanggbey de shɛɛ daa ninyi gbik nɛ nibhɛ i sim ɛDaray ɛYɛso ɛKiriti yegha ne ishwim ba ne ifɛ sang ɛgak ko. Ɛɛy.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iKɔlɔsi 2:4

Nzi tɔng nyini ibol lɛdee wo, ɛlɔ ne ɛdɛ ɛnyi yaa yung luk nyini ne ɛnu ɛbel.

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

1 iTasɔlɔnika 3:5

iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

1 ɛTimɔti 2:14

Sɔng ɛDɛmu gha ne kaa ne ta luk ɛbhɛ nang, ɛkuk ka ne kaa yang luk ɛbhɛ, ɛ teye ɛhaa ne ɛfɔt.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

ɛTitus 1:10

Nisas sa sonɛ gbom, nibhɛ so ninaa ivol ɛbuu, ninaa ne luk. Yang ji so ɛguu niYahodawa na nɛ nibhɛ bo wu iphɛ so nggbinggbing i hyɛghɛ icwee da nyɛɛn i kyi sɛ iphɔrɔt da.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

2 ɛBiturus 3:17

iPhɛ ɛlɛy, nigwaa nge ne nzi sim, daa ɛli ne ɛ ku yɛɛ ɛn ɛlɛ wo, ne ɛ shɛɛ ɛn ɛkanang, ɛlɔ nɛ imɛmɛ ne irywɛɛk ne ninaa ne sang roos ikpii da yaa yung hɔ ihywɛɛ mon nibhɛ te nyini ɛ ho ɛn.

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

1 ɛYohana 2:18

Nyinɛn ninɔn nge wo, nten nɛdee wo soye nituk ɛtsim. Te ɛli ne ɛ kaa phok ɛn i bo ɛhaa ne iphup ɛKiriti gha yaaso wo, ɛlyilyɛghaa wo, ninaa ne iphup ɛKiriti na kɛ ne ku yɛɛs gbom. iPhɛ phɛ kɛ te njwi kɛ seng ɛli ne nten nɛdee wo soye nituk ɛtsim ma.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

Nikɔn ne kɛ Phaal 12:15

ɛGbaang ne izɔ wo ne phaal ɛnu, ɛyuus inɛn ne wuru nɛ te ihywel wu te mpɛ bhɛ kpuru ɛkuk ka.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 20:2

Ne ɛ ji wum izɔ igywebhe de, izɔ igywebhe ne ile yɛdee nggyɛ wo ne ihywɛ ihywɛ so ɛShɛtan na ɛ rop ɛbhɛ ishay ɛnom ɛdaan (1,000)