2 iKɔrɔntos 11:2 - ɛWee ne ìTsɛm iHywas

² N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

2 iKɔrɔntos 11:2 ပူးပေါင်းရင်းမြစ်များ

ɛYohana 3:29

Naa ten nyini ibol lɛdee wo ne idee ne Tom ɛYɛl, ɛyiyaam ne yɛl la ɛbhɛ bok ɛyɛl lo; ɛtaay ɛbhɛ gha ne ɛ kɛ soos ɛlɔ ne tom ɛyɛl lo ɛ ten itoro. Yaa ne sɛ nten de ne ɛnyi ɛbhɛ gha bol lo, ne ɛ bok irway ihwala dak ne izɔlɔs ɛyiyaam ne yɛl de. iRway ihwala yɛdaa nggyɛ wo ne so ivaa nge ɛlyilyɛghaa wo, ifɛ ne so hyɔrɔ.

iRooma 7:4

Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

2 iKɔrɔntos 4:14

Daa ɛli ne njwii yɛɛ ɛli ne ɛTaanggbey ya kaa yiisik ɛDaray ɛYɛso yegha ndɔ ne ikpuu da. Ɛ sɛ ne ma yiisik njwɛɛn gbik ne ɛYɛso gha, ɛ yɛɛs ne njwɛɛn ɛnu ɛyisɛ ɛbhɛ gbik ne nyinɛn no.

iGalatiya 4:11

iBol mon de tak me iyɔm. Sɛ tɛrɛk ya bo wu ɛtomɛ nge gha ne nggɛ mɔn no ndɔ mɔn yaa te buu ye?

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

1 iTasɔlɔnika 2:11

Nyinɛn no ˆɛ ne yɛɛ ɛn, njwi kɛ boos ɛrɔngɔ ɛli ne ɛKyɛɛ i boos ninɔn ɛbhɛ.

Nikɔn ne kɛ Phaal 14:4

Ninyi yɛnaa nggyɛ wo ne hame nibhɛ kɛ ku bees ito nibhɛ ne tɔk nikuk, nibhɛ tɔ jejeb, nibhɛ kɛ ne roos ɛNgɔn ne Pharak ka gbik ɛlɔ gha ne ɛ phɛɛs. Kɛ say nibhɛ ndɔ ninyi na. Nibhɛ bhɛ ne soye te ire ɛyisɛ yɛ ne kɛ hap ɛTaanggbey ye ne ɛNgɔn ne pharak ka ne itsanga.