2 iKɔrɔntos 11:12 - ɛWee ne ìTsɛm iHywas

¹² “Naa ne re ɛnu ɛyisɛ ne mɔn ɛkɔn na ne nzi mɔn no, te nzɛ n hyɛghɛ ‘igbaang ninɔn ne tom mɛnaa nggyɛ wo,’ ɛlɔ nɛ nibhɛ yaa yung sɛ ɛkɔn ne hal ɛgyɛy, nibhɛ yɔng wu njwii mɔn ɛtomɛ ɛdaan nɛ nɛ nibhɛ.

2 iKɔrɔntos 11:12 ပူးပေါင်းရင်းမြစ်များ

ɛMacu 26:16

Ne lenɛ ɛlɛy, ɛYahoda gha ne yaa tɔk ikpɛk kɛ ne aa sɛ ɛ roos ɛ rɛp ɛYɛso yegha nɛ.

1 iKɔrɔntos 5:6

Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

2 iKɔrɔntos 1:17

Ɛ wɛɛ ɛn te nggɛ ryɔng me nzi doo ɛkɔn na ne nzi mɔn naa? Hang ɛ wɛɛ ɛn te nggɛ ryɔng me ne icwas ɛten ɛsii, ne naa yɔng “Ɛɛy,” nggyi ta yɔng “Kwa naa?”

2 iKɔrɔntos 10:17

ɛLi ne ɛWee ne iBol ɛTaanggbey yo i bo wo, “Gbik ɛnyi gha ne ɛ ne sim te aa hal ɛgyɛy ya, te ne ɛ hal ndɔ ɛDaray.”

2 iKɔrɔntos 11:18

Daa ɛli nɛ ninyi na gbom i hal ɛgyɛy ya ɛli nɛ ninaa ɛzay ya mɔn no, na ne ma mɔn ɛlɛy.

2 iKɔrɔntos 11:9

Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

2 iKɔrɔntos 5:12

Sɔng njwii sim njwi yaa ton ito mos ɛnu ɛyisɛ mon nang. Njwii yang sim te njwi sɛ mɔn ɛkɔn na ne aa te ɛ phok ɛn iyɛnɛng mos, te ɛ ji yɛɛ ne kyii ɛn ne ibol daa ninaa nɛ nibhɛ sim tɛ nibhɛ sɛɛ hal ɛgyɛy ya daa nikɔn na ne i yaang kang nikɔn na nɛ nibhɛ so ndɔ ne irway da.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

1 ɛTimɔti 5:14

iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.