2 iKɔrɔntos 10:5 - ɛWee ne ìTsɛm iHywas

⁵ Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

2 iKɔrɔntos 10:5 ပူးပေါင်းရင်းမြစ်များ

ɛMacu 15:19

Ndɔ ne irway ɛnyi da ne icwas ivebhe da i wuusi nɛ. iCwas ne phoo ɛnyi, nzangas, re ihwel, ɛyi, iwul irywɛɛk daa nikɔn ne hame nibhɛ so itin nɛ, ne bees ɛnyi irywɛɛk.

ɛLuka 1:51

Ɛ kɛ mɔn igbaang nikɔn ne kparat ne iwɔ njwiinjway ɛbhɛ, ne ɛ te ninaa ne ton itso nibhɛ ba shwaa.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 7:23

Nzi ne jung kyii phok ɛdɛ ɛkɔn na kang ne ɛ mɔn ɛtomɛ nɛ nilɔ ne ibek nge na. ɛKɔn nɛghaa nggyɛ wo i ne dat iphup ne ɛkɔn na ne irway nge da sim. ɛKɔn kɛgha kɛ ne te nggɛ te me ɛkpuru ɛkɔn ne ɛfɔt tɛghaa nggyɛ wo ne ɛ tɔ ndɔ ne ibek nge de.

1 iKɔrɔntos 1:19

Kɛ ku haa ndɔ ne ɛWee ne iBol ɛTaanggbey yo i bo: “Naa bunga ntsɛntsɛng ninyi de, nɛ nibhɛ wɛɛ te nibhɛ bok ntsɛntsɛng ngge. Naa ne ta bees ishweng ninyi na nɛ nibhɛ wɛɛ te nibhɛ bok ishweng ngga nibhɛ te buruburu.”

1 iKɔrɔntos 3:19

Daa ɛli ne ntsɛntsɛng ɛzay yɛdee wo soye iwamang ɛlɔ ɛTaanggbey ya, ɛli ne kɛ ku haa ndɔ ne ɛWee ne iBol ɛTaanggbey yo i bo: “ɛTaanggbey ya i wumus ninaa ne ntsɛntsɛng nga ndɔ ne nggyuk nibhɛ de.”

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

iFilibi 4:7

Yaa ne lenɛ ɛlɛ wo ɛTaanggbey ya ne nang nyini irway ne laal ɛbhɛ ne ifɛ phyin icwas ɛten ɛsii gbik. iPhɛ yaa ne boos irway mon ne icwas mon ndɔ ɛYɛso ɛKiriti gha.

2 iTasɔlɔnika 2:4

Ɛ sɛ yɛk iphup ne gbik ɛkɔn na ne i yeres ɛbhɛ ɛtaanggbey, ne ɛ yinɛ ito ɛbhɛ te ɛ phyin gbik ɛkɔn na ne i yeres ɛbhɛ ɛtaanggbey gbik nɛ nikɔn na ne i re nibhɛ ntsong ngga. Ɛ sɛ́ ma yung bhɛ lel ɛ soos ndɔ ne iDeng ɛTaanggbey de, ɛ yɔng, wu yee i soye ɛTaanggbey ya.

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.