2 iKɔrɔntos 10:4 - ɛWee ne ìTsɛm iHywas

⁴ Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

2 iKɔrɔntos 10:4 ပူးပေါင်းရင်းမြစ်များ

ɛTomɛ 7:22

Ne mɛmɛ ɛMuusaa yegha ne ishweng ne ninyi ne iMasad da gbik ɛ seng ngɛ. Ne ɛ teye ɛgbaang ɛnyi daa ne ivol ɛbhɛ, nɛ nitomɛ ɛbhɛ.

iRooma 13:12

ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

1 iKɔrɔntos 2:5

te ìnang ne itin mon da kyinak daa ne igbom ɛTaanggbey, sɔng daa ne ntsɛntsɛng niten nisii nang.

1 iKɔrɔntos 9:7

ɛYa ɛsooja ɛbhɛ ɛ re ne ito ɛbhɛ dee? ɛHay ɛbhɛ aa tubhus itson ɛnap be ɛ sang re ikpam mɛ woo? ɛHay ɛbhɛ sɛ i hyep ᐩigyol de ɛ kyii shɛɛ tang sɔ mben nɛ woo?

2 iKɔrɔntos 10:8

Wu nggɛ hal ɛgyɛy ya daa ne ihwet da ne ɛDaray ya kɛ nang njwii wu te byinɛ nyini nɛ wo i sang kyii tobhos nyini nɛ wo, sɔng iphɛ ne so ɛkɔn ne ncwa nang.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 3:5

Sɔng njwi bok ɛkɔn ne njwi aa tɔɔrek wu ìyɛɛnɛ mos ne njwii mɔn ne ɛtomɛ yɛghaa wo nang, ìyɛɛnɛ mos da le ɛlɔ ɛTaanggbey.

2 iKɔrɔntos 4:7

Gbik ne iphɛ ɛlɛy, njwit to ne njwi bok iryat ne iKabyik kɛdee wo njwi ne so te iron ne itsom zɔng. Njwi kɛ te ɛlɛ wo te njwi tɔɔrek wu ɛTaanggbey ya ɛbhɛ bok ndiinday gbik, sɔng njwit nang.

2 iKɔrɔntos 6:7

ne ivol ne itin mos, gbik ne ihwet ɛTaanggbey. Njwi ne so cik, iphɛ ne so te ɛkɔn ne itsom ne njwi bok ne njwii hal ne irywen njwi ta kyɛngɛ ye nɛ.

1 iTasɔlɔnika 5:8

Daa ɛli ne njwɛɛn soye ninaa ne igbey ya, te njwɛɛn ne kyii ne ihywɛɛ njwɛɛn ɛlɔ ɛdaan. Te njwɛɛn yɛk ghe ne ìnang ne itin de gbik ne ishwim ba te ɛtura ne igyɔs ne kyɛngɛ ɛgyɛy. Te njwɛɛn yɛk ghe ne sit ne irwisɛ da ne iphɛ nang iphɔrɔt da te ɛkɔn ne ito ne igyɔs.

1 ɛTimɔti 1:18

ɛTimɔti, ɛngɔn nge, nzi teesek kɛ ne ibol lɛdee wo ndɔ ne iwɔ mo ɛli ne ɛTaanggbey ya kɛ ku nang ninyi na tɛ nibhɛ bol daa ne ito mo de. Te ne lenɛ ne ˆɛ kɛ roos ibol lɛdee wo, ˆɛ yɛɛ ne ta itsom ntin de, ˆɛ ta ihywɛ yɛnɛng,

2 ɛTimɔti 2:3

Rop iku ndɔ ne nggbang ne njwit to te ɛsooja ɛyɛnɛng ɛYɛso ɛKiriti.

iBirani 11:30

Kaa lenɛ ne ìnang ne itin de, iwabha ɛgarang ne iYɛriko wo ne ho ɛtsim mɛ nɛ niSɛrɛla na kɛ tes ifɛ gyɔɔ nituk ɛniitaa.