2 iKɔrɔntos 10:3 - ɛWee ne ìTsɛm iHywas

³ ɛTsak njwi so ndɔ ɛzay ya, gbik ne iphɛ ɛlɛy sɔng njwii ne hal itsom be tɛ ninaa ɛzay nang.

2 iKɔrɔntos 10:3 ပူးပေါင်းရင်းမြစ်များ

iRooma 7:5

Daa ɛli ne nten de ne njwɛɛn kaa i roos izɔlɔs ne irway ɛten ɛsii da nɛ wo, iMɛmɛ ɛMuusaa da kaa ne yɛɛs ne ihyop igywebhe ne ibek njwɛɛn. iHyop igywebhe yɛdee wo ne i mɔn ɛtomɛ ndɔ ne ibek njwɛɛn de, ne ɛ nang ikpam ivebhe ne ifɛ yɛɛs ne iku.

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

iRooma 8:4

ɛTaanggbey ya kɛ mɔn ɛlɛ wo, te shwaak icik ge ne iMɛmɛ ɛMuusaa da bo te i mɔn ndɔ njwɛɛn, njwɛɛn no ne njwɛɛn i sang shɛɛ ɛli ne icwas ne irway ɛten ɛsii da bo wo, yang kyii shɛɛ ɛli ne iKabyik ge i bo wo.

2 iKɔrɔntos 1:17

Ɛ wɛɛ ɛn te nggɛ ryɔng me nzi doo ɛkɔn na ne nzi mɔn naa? Hang ɛ wɛɛ ɛn te nggɛ ryɔng me ne icwas ɛten ɛsii, ne naa yɔng “Ɛɛy,” nggyi ta yɔng “Kwa naa?”

2 iKɔrɔntos 10:4

Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 ɛTimɔti 1:18

ɛTimɔti, ɛngɔn nge, nzi teesek kɛ ne ibol lɛdee wo ndɔ ne iwɔ mo ɛli ne ɛTaanggbey ya kɛ ku nang ninyi na tɛ nibhɛ bol daa ne ito mo de. Te ne lenɛ ne ˆɛ kɛ roos ibol lɛdee wo, ˆɛ yɛɛ ne ta itsom ntin de, ˆɛ ta ihywɛ yɛnɛng,

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.