2 iKɔrɔntos 10:18 - ɛWee ne ìTsɛm iHywas

¹⁸ Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

2 iKɔrɔntos 10:18 ပူးပေါင်းရင်းမြစ်များ

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

ɛYohana 12:43

daa ɛli nɛ nibhɛ kaa sim idɛp niten nisii nibhɛ phyin idɛp ɛTaanggbey da.

ɛTomɛ 2:22

“Nyinɛn niSɛrɛla wo, tenes ɛn ibol lɛdee wo. ɛYɛso ne iNazarat ta so ɛnyi ne ɛTaanggbey ya kaa ku tɔɔl nyini wu iyee kɛ tom ɛbhɛ. ɛTaanggbey ya kaa tɔɔl nyini ndɔ ne igbaang nitomɛ da nɛ nikɔn ne kparat ta gbik ne nyu nikɔn ne ɛnik ge ne ɛ kaa mɔn ndɔ mon no lenɛ ne ɛYɛso gha. Nyinɛn no ɛ yɛɛn iphɛ ɛlɛy.

iRooma 14:18

Gbik ɛnyi gha ne ɛ re ɛKiriti yegha ntsong ngga ɛlɛ wo, aa ne i naas ɛTaanggbey ye irway ihwala ninyi na ne i sim ɛbhɛ.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 10:12

Sɔng njwi yaa tes se niwamang nang. Sɔng njwii sim njwi sɛ so tɛ ninyi na nɛ nibhɛ wɛɛ tɛ nibhɛ phyin ɛbyin nɛ gbik ko nang. Ninyi nɛ nibhɛ ten ito nibhɛ de nɛ ninyi na nɛ nibhɛ ma so tɛ nibhɛ wo, ninyi nɛ nibhɛ ten ito nibhɛ nɛ ninyi na, niwamang ngaa nggyɛy.

2 iKɔrɔntos 13:7

Njwii bol ne ɛTaanggbey ɛli ne aa yung mɔn ɛn ɛkɔn ne ɛ sang so ɛyɛnɛng ngɛ. Sɔng njwii ne bo wu njwi kɛ ku taal yɛnɛng nang, njwii yang sim te ɛ sɛ mɔn ɛn ɛkɔn ɛyɛnɛng, gbik ɛli ɛbyin ninyi na i wɛɛ te njwi taasek ko.

2 iKɔrɔntos 3:1

Njwi yaa ne ji yaa ton ito mos see? Kwa! ɛByin ninyi na i tɔk te sɛɛ haa ɛwee nɛ ɛbhɛ yaa tɔɔrek ihywee de nɛ nibhɛ so, njwii ne tɔk ɛdɛng ɛlɔ mon naa? Hang yaa yang nang njwi ɛdɛng njwi yɛɛs nɛ ɛlɔ mon naa?

2 iKɔrɔntos 5:12

Sɔng njwii sim njwi yaa ton ito mos ɛnu ɛyisɛ mon nang. Njwii yang sim te njwi sɛ mɔn ɛkɔn na ne aa te ɛ phok ɛn iyɛnɛng mos, te ɛ ji yɛɛ ne kyii ɛn ne ibol daa ninaa nɛ nibhɛ sim tɛ nibhɛ sɛɛ hal ɛgyɛy ya daa nikɔn na ne i yaang kang nikɔn na nɛ nibhɛ so ndɔ ne irway da.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.