2 iKɔrɔntos 10:13 - ɛWee ne ìTsɛm iHywas

¹³ Sɔng njwi yaa hal ɛgyɛy ya njwi phee ne igbak nang. Njwi yaa yang hal ɛgyɛy ya cɛcɛɛy ne ɛtomɛ gha ne ɛTaanggbey ya kɛ yɛk njwi nɛ, kaabi ɛtomɛ gha ne ɛ kɛ phyii bhɛ hɔn ɛlɔ mon na.

2 iKɔrɔntos 10:13 ပူးပေါင်းရင်းမြစ်များ

iRooma 15:20

iRway nge da has cɛcɛɛy te nzɛ ku i sanga iBol ɛYɛnɛng ngge ɛlɔ gha ne hame kɛ ku phok ne ibol ɛKiriti de, daa ɛli ne yaa yung yɔng wu nge mɔn ɛtomɛ ngɛ gha ɛlɔ gha ne ɛhak ɛnyi kɛ ku tsa nɛ.

iRooma 12:6

iPhɛ ɛlɛy, te njwɛɛn ne mɔn ɛtomɛ nɛ nikɔn ne izɛɛng kang-ka-kang nga ne ɛTaanggbey ya kɛ nang njwɛɛn lenɛ ne izɛɛng ɛbhɛ de. Wu izɛɛng ɛnyi de so izee ne tɔng ibol ɛTaanggbey, te ne ɛ tɔng ibol ɛTaanggbey de cɛcɛɛy ne ìnang ne itin ɛbhɛ.

1 ɛBiturus 4:10

ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.

iFisus 4:7

Gbik ne iphɛ ɛlɛy, kɛ ne nang ɛrɔngɔ ìnang ngga lenɛ ne izɛɛng ɛKiriti de, ɛli ne iphɛ jam ɛKiriti yegha nɛ.

1 iKɔrɔntos 12:11

Gbik nikɔn nɛnaa wo iKabyik idaan nɛ iphɛ mɔn, iphɛ ne ta hosop iphɛ nang ɛrɔngɔ ɛli ne iphɛ sim.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

iRooma 10:18

Nzi phomos, “Nibhɛ kɛ shɛɛ tang phok ko ɛtsak ghee? Nibhɛ kɛ phok. ɛWee ne iBol ɛTaanggbey yo bo, ‘iZok ne izɔlɔs nibhɛ de kɛ bhɛ hɔn ndɔ ɛzay de gbik, ivol nibhɛ da kɛ bhɛ tuu ɛgak ɛzay yo.’ ”

ɛMacu 25:15

Ɛ Kaa nang ɛdɛng ijam kyɔsɔk ge ne kɛ ryɔng ne izinariya ninom iwii, ne ɛ nang ɛdɛng ninom ifaa, ɛ ji nang ɛdɛng ɛnom ɛdaan. Ɛ kaa hosop nibhɛ, ɛ nang ɛrɔngɔ ɛli ne aa yɛɛ ne boos sɛ ne ɛ ji hyel.