2 iKɔrɔntos 10:10 - ɛWee ne ìTsɛm iHywas

¹⁰ ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 10:10 ပူးပေါင်းရင်းမြစ်များ

1 iKɔrɔntos 1:17

Phok ɛn, sɔng ɛKiriti gha kɛ tom me wu te n yaak ninyi ne ibatisima nang, ɛ kɛ yang tom me te n sanga ibol iyɛnɛng ngge, sɔng ndɔ ne ntsɛntsɛng ɛten ɛsii nang, daa ɛli ne ibol ne iku ɛKiriti de daa ne ihon no yaa yung te buu.

2 iKɔrɔntos 11:6

Yaa rɔk sɔng nggɛ bel ne ivol da nang, ne n jung bok ishweng. Njwi kɛ tɔɔrek nyini ɛlɛy ndɔ nikɔn na gbik.”

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

2 iKɔrɔntos 10:9

Sɔng nzi sim te ɛ sɛ yaang ɛn te ɛwee nge wo i baasek nyini ɛnik nang.

2 iKɔrɔntos 10:11

Nggbinggbing ihywee ninyi yɛdee nggyɛ wo seng wu ɛkɔn na ne njwii haa nyini nɛ ndɔ ne iwee mos da ne i njwi sɛ njwi sang ngɛ wo, ɛbhɛ ne njwii mɔn ne i sɛ njwi so ne nyinɛn no.

2 iKɔrɔntos 11:21

Naa ne yɔngɔ wu nggɛ sɔ ncwa daa ɛli njwi kɛ sang mɔn nyini nikɔn na nɛ ninaa ne luk nyini na i mɔn nyini nɛ woo? Naa yɔngɔ wu njwi kɛ so kyɔkyɔt te? Wu ɛdɛ ɛnyi gha yaa ne te irway nviit daa ɛdɛ ɛkɔn na nang, naa ne ma mɔn ɛlɛy. Daa ne ibol lɛdee wo nzi ne bol te ɛwamang.

2 iKɔrɔntos 13:3

Wu ɛ sim ɛn te ɛ sɛ seng ɛn ncɛncɛng wu ɛKiriti gha i mɔn ɛtomɛ gha ne mee wo, ne ɛ seng ɛn iphɛ ɛlɛ, sɔng ɛKiriti gha i bol ne nyinɛn yɔyɔk nang, ɛ yang bol ne nyinɛn ne ihwet.