2 iKɔrɔntos 10:1 - ɛWee ne ìTsɛm iHywas

¹ Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 10:1 ပူးပေါင်းရင်းမြစ်များ

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛMacu 21:5

“Mɔng ɛn ninyi ne iSihiyɔɔna na, ‘ɛGɔm mon nɛghaa ɛ yaaso! Ɛ so lyaak, ɛ kɛ taay daa ɛjaakyi, daa ɛngɔn ɛjaakyi ne ɛ sonɛ.’ ”

ɛTomɛ 8:32

ɛNyi gha kaa tɔng ibol de ne kɛ haa ndɔ ne ɛWee ne iBol ɛTaanggbey yo ne ɛ bo, “Ɛ kaa so te ᐩigyol ntsabhak ne phɛɛs ne hyɛ. Ɛ kaa ne so nggbyak te ɛngɔn ne ɛpharak ne i tɛbhɛ itsutsɔ yɛ. Sɔng ɛ kaa ne boote ibol nang.

iRooma 10:20

ɛShaa gha kɛ boote ne irway nviit ɛ yɔngɔ, ɛTaanggbey ya bo, “Ninyi na ne hame nibhɛ kɛ tɔk me, nibhɛ bhɛ kɛ ne sɛ me, nggɛ ne tɔɔl ito nge ɛlɔ ninyi na ne hame nibhɛ kɛ phom ɛli nɛ nibhɛ yaa sɛ me.”

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 15:15

Gbik ne iphɛ ɛlɛy, nggɛ ne haa ɛwee yɛwoo wo ne irway nviit, nzi bol ne nyinɛn daa nidɛng nikɔn na te n taate nyini nɛ. Nzi bol ne irway nviit lenɛ ne izɛɛng ne ɛTaanggbey kɛ nang me,

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

1 iKɔrɔntos 4:10

Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

1 iKɔrɔntos 4:21

ɛYa ɛkɔn ne ɛ kɛ kasa ɛn ne, n yɛɛs ɛlɔ mon na ne ihon tsasarak ghe, hang n yɛɛs ndɔ ne ishwim te n boos nyini hywɛɛ?

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 10:2

Nzi roro ne nyinɛn, sɔng ɛ te ɛn mɛɛn n boos nyini nzaratat ne sɛ́ sɛ nggɛ yɛɛs so nang, daa ɛli ne nzi yɛɛ nzɛɛ yɛɛ ne tɔɔrek nzaratat nge de daa ninyi nɛ nibhɛ bo wu njwii mɔn ɛtomɛ mos sa ne icwas ɛzay da.

2 iKɔrɔntos 10:7

Ɛ wɛɛ ɛn ɛgɔɔ ne izay nikɔn na zɔng! Wu ɛdɛ ɛnyi gha hal ɛn ɛgyɛy wu ɛ soye ɛnyi ɛKiriti gha, nzi ne sim te ɛ sɛ seng wu njwi ma soye ninaa ɛKiriti na ne mang.

2 iKɔrɔntos 11:21

Naa ne yɔngɔ wu nggɛ sɔ ncwa daa ɛli njwi kɛ sang mɔn nyini nikɔn na nɛ ninaa ne luk nyini na i mɔn nyini nɛ woo? Naa yɔngɔ wu njwi kɛ so kyɔkyɔt te? Wu ɛdɛ ɛnyi gha yaa ne te irway nviit daa ɛdɛ ɛkɔn na nang, naa ne ma mɔn ɛlɛy. Daa ne ibol lɛdee wo nzi ne bol te ɛwamang.

2 iKɔrɔntos 11:30

Wu iphɛ so nggbinggbing naa hal ɛgyɛy ya, naa ne hal ɛgyɛy ya daa nikɔn na nɛ nibhɛ kɛ tɔɔrek ikyɔkyɔt nge.

2 iKɔrɔntos 12:5

Na ne hal ɛgyɛy ne ɛnyi yɛghaa nggyɛ wo, sɔng na hal ɛgyɛy ya ne ito nge nang, naa yang wɛɛ itaasek nge.

2 iKɔrɔntos 3:12

Daa ɛli njwɛɛn kɛ sit irwisɛ da daa ne ìtsɛm ihywas de, iphɛ kɛ ne te njwɛɛn tek irway njwɛɛn tɔrɔk.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

2 iKɔrɔntos 7:4

Nggɛ cwaak nyini ndɔ ne irway gbom, nzi ne ta hal ɛgyɛy ne nyinɛn. Ɛ kɛ te ɛn mɛɛn itsɔngɔl gɛgɛy. Gbik ne nggbang ngga ne njwɛɛn i sɔ wo, sɔng irway ihwala nge da ne bok ɛgak nang.

iGalatiya 4:13

Ɛ yɛɛ ɛn wu isha ihywɛ kɛ te me n sang n tɔng nyini ibol iyɛnɛng ngge.

iGalatiya 5:2

Phok ɛn ibol nge de, mee ne ɛBulus so nzi bok nyini, Wu ɛ kɛ sim ɛn i hyɛghɛ nyini icwee da, kaabi sɔng ɛKiriti gha kɛ mɔn ɛkɔn nang ne aa phyik nyini nang.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFilibi 4:5

Te ilyaak mon de teye ɛkɔn ne yaang ɛlɔ ninyi gbik. Seng ɛn, ɛDaray ya yek cɛcɛk.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

2 iTasɔlɔnika 3:17

Mee ɛBulus, ne ito nge nzi haa nyini ikyiisi yɛdaa wo ne iwɔ nge. iKyiisi yɛdaa wo iphɛ iphɛ so ishɛɛda ne iwee nge da gbik. ɛLɛy ne nzi ku haa.

ɛFilimɔn 1:19

Mee ɛBulus nzi haa ibol lɛdee wo ne iwɔ nge, naa tal lɛ. Sɔng naa ma yung boote ibol ne iken iphas de ne ˆɛ kɛ sɛ lenɛ ne mee wo nang.

ɛFilimɔn 1:9

Gbik ne phɛ ɛlɛy, mee ɛBulus, nzi ne roro ne igyɛ ndɔ ne ishwim. Mee wo ne nggɛ helem mo, n da so ne nyang nggɛ ɛlɔ ɛYɛso ɛKiriti gha.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.