2 iKɔrɔntos 1:7 - ɛWee ne ìTsɛm iHywas

⁷ Sɔng njwii to irway ne nyinɛn nang, daa ɛli ne njwii yɛɛ ihywee ne nggbang mos da ne ɛ sɔ ɛn, ɛlɛy ne aa ne ma sɛ ɛn ihywee ne iwɔrɔp ba ne kɛ wɔrɔp njwii nɛ wo.

2 iKɔrɔntos 1:7 ပူးပေါင်းရင်းမြစ်များ

ɛMacu 23:30

Ɛ ji yɔng ɛn, ‘Sɛɛ yɔng njwi kaa sonɛ nten nikyɛɛ-nikyɛɛ mos sa kaa loghɛ neyi ninabawa na, sɔng njwi saa phyik nibhɛ nɛ nang.’

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

2 iKɔrɔntos 1:14

wu ɛ kɛ ne ma yung sang seng njwii ɛlyilyɛghaa wo, sɛ ne sɛ igbey yo ne ɛDaray njwɛɛn ɛYɛso gha sɛ bhɛ kyii wo, ɛ sɛ ne lɛng ɛn ɛgyɛy ne njwit ɛli ne njwii ma lɛng ne nyinɛn no.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

2 iKɔrɔntos 7:9

Ɛlyilyɛghaa wo ne n bok irway ihwala, sɔng daa ɛli ne nggɛ bees nyini irway da nang, iphɛ yang so daa ɛli ne ibees irway mon da kɛ te ɛ san ɛn ɛbɔk. iBees irway mon da kaa so ɛli ne ɛTaanggbey i sim, iphɛ ɛlɛy sɔng njwi kɛ ne mɔn nyini ɛfɔt ndɔ ɛkɔn na ne njwi kɛ mɔn no nang.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.