2 iKɔrɔntos 1:5 - ɛWee ne ìTsɛm iHywas

⁵ ɛLi ne njwɛɛn i sɔ nggbang ga ɛli ne ɛKiriti gha ne ito ɛbhɛ de kɛ sɔ wo, ɛlɛy ne yaa ne ma ta lenɛ ne ɛDaray ya njwɛɛn sɛ iwɔrɔp ɛTaanggbey da.

2 iKɔrɔntos 1:5 ပူးပေါင်းရင်းမြစ်များ

ɛLuka 2:25

Nten nɛdee nggyɛ wo, ɛdɛ ɛhelem ma kaa ne sonɛ ndɔ ne iYɛrushɛlɛm de ne kaa bok ɛbhɛ ɛSimiyɔn. Ɛ kaa ne so cik, ne ɛ ta nang ɛTaanggbey ye irway ɛbhɛ gbik. Ɛ kaa ne i hyep aa yaang ɛli ne kɛ phɔt niSɛrɛla na. iKabyik ɛTaanggbey de kaa ne so ndɔ ɛbhɛ.

ɛTomɛ 9:4

Ne ɛ hɔ ne ivel, ne ɛ ji phok izɔlɔs ihywɛ bok ɛbhɛ, “ɛShawulu! ɛShawulu! iKyee iphɛ kɛ te ɛ baasek me nggbang nggaa?”

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

iFilibi 2:1

iShwɛɛ mon ndɔ ɛKiriti gha i tes nyini itsɔngɔl gɛgɛy yee? iShwim ɛbhɛ da i laasek nyini irway yee? ˆƐ so ɛn ndɔ ne ìtsɛm ne iKabyik gee? ˆƐ sim ɛn nyini ˆɛ ta i san ɛn iyɔm ne itso mon ne i?

iFilibi 3:10

Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.