2 iKɔrɔntos 1:17 - ɛWee ne ìTsɛm iHywas

¹⁷ Ɛ wɛɛ ɛn te nggɛ ryɔng me nzi doo ɛkɔn na ne nzi mɔn naa? Hang ɛ wɛɛ ɛn te nggɛ ryɔng me ne icwas ɛten ɛsii, ne naa yɔng “Ɛɛy,” nggyi ta yɔng “Kwa naa?”

2 iKɔrɔntos 1:17 ပူးပေါင်းရင်းမြစ်များ

ɛMacu 5:37

Wu ɛ kɛ ku yaak ibol de ‘Ɛɛy’ te phɛ ne shɛɛ ne ‘Ɛɛy,’ de wu ɛ kɛ ne ku yɔng ɛn ‘Kwa’ te phɛ ne shɛɛ ne ‘Kwa’ de. Wu ɛdɛ ɛkɔn na kɛ phee ɛlɛ wo, iphɛ ne le ɛlɔ ɛBebhe ɛNyi.

ɛYakub 5:12

ɛKɔn na ne ɛ phyin gbik ko nigwaa en, sɔng ˆɛ lɛlɛm ɛn ihywa de nang. Sɔng ˆɛ lɛlɛm ɛn ihywa de ne ivel nang, sɔng ne ˆɛ lɛlɛm ɛn ne ɛdaa ne irywa nang, sɔng ˆɛ lɛlɛm ɛn daa ɛdɛ ɛkɔn na nang. Te “Ɛɛy” mon teye ɛɛy, te “Kwa,” mon teye kwa, ɛlɔ ne yaa yung hyɛ nyini ɛshara ne iku.

ɛYohana 8:15

Ɛɛ hyɛ ɛn ɛnyi gha ɛshara gha ne icwas ɛten ɛsii, mee wo, sɔng nzi ne hyɛ ɛnyi ɛshara nang.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

1 iTasɔlɔnika 2:18

Njwi kɛ sim te njwi sɛɛ yɛɛs ɛlɔ mon na. Mee ɛBulus sa nggɛ sim, te sɛɛ yɔng ngge yɛɛs nten de kang-ka-kang, ɛShɛtan na kɛ ne kyɛngɛ njwii.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

ɛMacu 1:19

ɛTɛm ɛbhɛ ɛYisifu gha kaa ne so ɛnyi ɛyɛnɛng, sɔng ne ɛ sim ɛli ne aa bak ɛbhɛ incwa ɛnu ɛyisɛ ninyi nang. Ne ɛ yaa tas ɛli ne aa tek ɛbhɛ gying.

2 iKɔrɔntos 11:18

Daa ɛli nɛ ninyi na gbom i hal ɛgyɛy ya ɛli nɛ ninaa ɛzay ya mɔn no, na ne ma mɔn ɛlɛy.