2 iKɔrɔntos 1:15 - ɛWee ne ìTsɛm iHywas

¹⁵ Nzi ku yɛɛ iphɛ ɛlɛ wo, iphɛ phɛ kɛ te nggɛ ku i sim na tsa kyiisi nge da ɛlɔ mon na, te ɛ sɛ ɛn ɛwɛng ne ikyili nge da ɛte ɛphaa.

2 iKɔrɔntos 1:15 ပူးပေါင်းရင်းမြစ်များ

ɛMacu 1:19

ɛTɛm ɛbhɛ ɛYisifu gha kaa ne so ɛnyi ɛyɛnɛng, sɔng ne ɛ sim ɛli ne aa bak ɛbhɛ incwa ɛnu ɛyisɛ ninyi nang. Ne ɛ yaa tas ɛli ne aa tek ɛbhɛ gying.

iRooma 1:11

Nzi ku has irway te nzɛɛ yaang nyini te n te nyini ɛ sɛ ɛn nidɛng Niwɛng nga ne iKabyik ɛTaanggbey ya i nang, te iphɛ te nyini itsɔngɔl gɛgɛy.

iRooma 15:29

Nzi yɛɛ ncɛncɛng sɛ́ sɛnaa yɛɛs ɛlɔ mon na, nzɛ ne yɛɛs nyini ne ɛwɛng ɛKiriti hyɔrɔ.

1 iKɔrɔntos 11:34

Wu ɛnyi gha ne ɛ so kpyak, te nɛ ɛ re ire de ne ijwee ɛbhɛ ɛlɔ ne itumɛ mon da ya yung hɔ nyini ɛshara. Daa ɛbyin nikɔn na nang, sɛ sɛ̀ nggɛ yɛɛs nzɛ ne kyi tɔng nyini.

1 iKɔrɔntos 16:7

Sɔng nzi sim te nzɛ phyii yaang nyini ɛlyilyɛghaa wo n phee wit nang, daa ɛli nzi sim nzɛ phyɔngɔle ɛlɔ mon na gbom, wu ɛTaanggbey kɛ sim.

1 iKɔrɔntos 4:19

Wu ɛTaanggbey kɛ ne sim, naa ne yungaa yɛɛs ɛlɔ mon na; sɔng nzɛ ne phɛl ihywee ne ivol ninaa ne tɔɔsek itso yɛdaa nggyɛ wo zɔng nang, nzɛ ne i seng ihywee ne ihwet da nɛ nibhɛ bok.

2 iKɔrɔntos 12:14

Ɛlyilyɛghaa wo nzi sim te naa yɛɛs ɛlɔ mon na iyɛɛs ne itwat tɛ. Sɔng nzi ne bo aa tɔɔk ɛn irighitik nge nang, daa ɛli ne nyinɛn ne nzi sim sɔng nikɔn mon nang. Sɔng ninɔn na bhɛ tek ɛkɔn na nibhɛ wɛɛ nɛ niKyɛɛ nang, nikyɛɛ na bhɛ yang tek ɛkɔn na nibhɛ wɛɛ nɛ ninɔn nibhɛ.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.