2 iKɔrɔntos 1:12 - ɛWee ne ìTsɛm iHywas

¹² Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 1:12 ပူးပေါင်းရင်းမြစ်များ

ɛTomɛ 23:1

ɛBulus sa ne sit itɔrɔng ngge ne irwisɛ, ne ɛ yɔngɔ, “Nigwaa nge niSɛrɛla, izɔlɔs ne irway nge so byirik daa ɛTaanggbey ya ne nggɛ mɔn no, sɔng nzi to irway izenge wo ɛlɛ daa ɛtomɛ gha ne nggɛ mɔn no nang.”

ɛTomɛ 24:16

iPhɛ phɛ kɛ ne te nzi kyangas me nɛ te n yaang izɔlɔs ne irway so byirik, ɛnu ɛyisɛ ɛTaanggbey ya gbik nɛ niten nisii.”

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

1 iKɔrɔntos 1:17

Phok ɛn, sɔng ɛKiriti gha kɛ tom me wu te n yaak ninyi ne ibatisima nang, ɛ kɛ yang tom me te n sanga ibol iyɛnɛng ngge, sɔng ndɔ ne ntsɛntsɛng ɛten ɛsii nang, daa ɛli ne ibol ne iku ɛKiriti de daa ne ihon no yaa yung te buu.

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 2:13

iPhɛ ɛlɛy, sɔng njwii ne bol ivol da ne ntsɛntsɛng ne ɛten ɛsii i mɛmɛ nɛ nang, njwii yang bol ivol ne iKabyik i mɛmɛ nɛ nten de ne njwii kpɛl nikɔn ne iKabyik ka ɛlɔ ninaa nɛ nibhɛ so ninaa ne iKabyik ka.

1 iKɔrɔntos 4:4

iRway nge so bɛs, sɔng nzi ne bo wu hang n bok ɛfɔt tang. ɛDaray ɛbhɛ teesek me.

1 iKɔrɔntos 5:8

iPhɛ ɛlɛy, sɔng njwɛɛn ne ta bo iyis itɛl de njwɛɛn re ne idira njwɛɛn de nang, iyis ne ɛfɔt to ne ibebhe de nang, Te njwɛɛn re idira njwɛɛn de ne ibɛrɛdi de ne iphɛ sang iyis de. Te kaabi icwas iwɛwɛy ne itin.

2 iKɔrɔntos 1:17

Ɛ wɛɛ ɛn te nggɛ ryɔng me nzi doo ɛkɔn na ne nzi mɔn naa? Hang ɛ wɛɛ ɛn te nggɛ ryɔng me ne icwas ɛten ɛsii, ne naa yɔng “Ɛɛy,” nggyi ta yɔng “Kwa naa?”

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 8:8

Sɔng nzi bok nyini wu nggbinggbing nang, nzi yang sim te nzɛɛ tɛrɛk nyini nɛ nihak te n seng ihywee ne ishwim ba ne ɛ bok ɛn.

iGalatiya 6:4

Te ɛrɔngɔ tɛɛsek ɛtomɛ ɛbhɛ ne ito ɛbhɛ. Wu ɛtomɛ yɛ kɛ jam, aa ne yɛɛ ne hal le ɛggyɛy. Sɔng ne ɛ ten ito ɛbhɛ de ne ɛhak ɛnyi nang.

iFisus 6:14

iPhɛ ɛlɛy, kyinak ɛn nting, te itin de teye ɛgagha mon, te ihywel icik ga teye ɛtura ne igyɔs ne ta itsom mon.

iFilibi 1:10

ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.

1 iTasɔlɔnika 2:10

Nyinɛn ˆɛ so ɛn nishɛɛda mos, ɛTaanggbey ne ma soye nɛ daa ne ihywee ne ishwɛɛ da ne njwi kɛ shɛɛ ndɔ mon no ne ɛ kɛ nang ɛn ne itin nɛ wo. Njwi kɛ shɛɛ wɛwɛy, cik, wɛlɛng ɛkɔn ne tok.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

ɛYakub 4:6

Gbik ne iphɛ ɛlɛy, ɛTaanggbey ya i ne hanas njwɛɛn ne izɛɛng ngge gbom. iPhɛ phɛ kɛ te kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya i mbaray ɛhaa ne tɔɔk ito, ne ɛ nang ɛhaa ne laasek ito izɛɛng ɛbhɛ.”

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.