2 iKɔrɔntos 1:11 - ɛWee ne ìTsɛm iHywas

¹¹ Phyik ɛn njwii ne boote ne ɛTaanggbey. Yaa ne lenɛ ɛlɛ wo ninyi na gbom yaa ne tɔɔrek ɛTaanggbey ye irway ihwala daa ne ito mos, lenɛ ne ɛwɛng nga ne kɛ nang njwii daa ɛli ne ɛTaanggbey ya kɛ say ɛroo gha nɛ ninyi na gbom kɛ roro njwii nɛ wo.

2 iKɔrɔntos 1:11 ပူးပေါင်းရင်းမြစ်များ

ɛTomɛ 12:5

Ne sɛ ɛli ne ɛBiturus sa bhɛ so ne ijwee ne nyang ngo, idira ninaa ne roos de ne see ito ne bol ne ɛTaanggbey daa ne ito ɛbhɛ.

2 iKɔrɔntos 4:15

Kɛ mɔn ɛlɛ wo gbik te iphɛ phyik nyini, sɛ ne sɛ izɛɛng ɛTaanggbey de i hanas ne sɛɛs ninyi na gbom nang, iphɛ ne teye ɛkɔn ne hanas tɔɔsel ɛTaanggbey ye irway ihwala gbom, te nang ɛbhɛ ne ndiinday.

2 iKɔrɔntos 9:14

iPhɛ ɛlɛy, nibhɛ yaa ne i bol ne ɛTaanggbey ɛlɔ mon na ne irway ijwaan, nibhɛ ta i tas nyini lenɛ ne izɛɛng gbom be ne ɛTaanggbey ya kɛ nang nyini wo.

iFilibi 1:19

daa ɛli ne nzi yɛɛ yaa lenɛ ne ivol da ne ˆɛ bol ɛn ne ɛTaanggbey ya daa me wo, ne iphyik ne iKabyik ɛYɛso ɛKiriti de, ne i tul me ne inyang nge.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 5:25

Nigwaa en, bol ɛn ne ɛTaanggbey daa ne ito mos.

2 iTasɔlɔnika 3:1

ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

ɛFilimɔn 1:22

ɛDɛ ɛkɔn nɛghaa bɛ dɔng, nzi sim te ˆɛ sɛɛ ryɔng mɛɛn izuk ne nzɛɛ shɛɛ nɛ, daa ɛli ne nggɛ sit irwisɛ nzi wɛɛ te yaa lenɛ ne ɛroo mon na, ɛTaanggbey ya yaa ne kyii nyini ne mee.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.