2 iKɔrɔntos 1:10 - ɛWee ne ìTsɛm iHywas

¹⁰ ɛTaanggbey ya kaa phɔt njwi ɛnu ne iku ibebhe yɛdee wo. Aa ne phɔt njwii. Njwi kɛ ne sit ɛbhɛ ne irwisɛ daa ɛli ne ɛ sɛ ta phɔt njwii dɔng.

2 iKɔrɔntos 1:10 ပူးပေါင်းရင်းမြစ်များ

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

iRooma 15:31

Boote ɛn ne ɛTaanggbey ya ɛli ne naa bhɛ sɛ iphɔrɔt ne iwɔ ninaa ne sang roos ne iYahudiya na, te iphyik ga ne n phɛɛs ne nang ne iYɛrushɛlɛm de bhɛ say ye ne irway ihwala ɛlɔ ninaa ne roos ɛlɔ yɛwo.

2 ɛTimɔti 4:17

ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

ɛTomɛ 26:21

iPhɛ phɛ kɛ ne te niYahodawa na kɛ sɛ me ndɔ ɛsaa ne iDeng nga nibhɛ wum me nibhɛ tɔk ɛli nɛ nibhɛ yaa phoo me wo.

2 iKɔrɔntos 1:9

Nggbang ngga kaa te njwi ku yaa phok ndɔ ne irway mos da te kɛ hyɛ njwii ɛshara ne iku. Nggbang ngga kaa ne sɛ njwii ɛlɛ wo ɛlɔ ne njwii aa yung yaa wɛɛ te njwii mɔn ɛtomɛ ne ihwet mos, mpɛ kaa ne te ɛlɛ wo te njwi yang wɛɛ ɛTaanggbey ye ne ɛbhɛ ɛ so ɛhaa ne yiisik ninaa ne ikpuu na tsik ko.

2 iKɔrɔntos 6:9

Kɛ bo te i doo njwii, gbik ne iphɛ ɛlɛy i ne yɛɛ njwii. Kɛ bo te njwi yaa kus, gbik ne iphɛ ɛlɛy njwi ne so niken. Kɛ baasek njwi nggbang, gbik ne iphɛ ɛlɛy sɔng kɛ ne phoo njwii nang,