2 iKɔrɔntos 1:1 - ɛWee ne ìTsɛm iHywas

¹ ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

2 iKɔrɔntos 1:1 ပူးပေါင်းရင်းမြစ်များ

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

iRooma 16:21

ɛTimɔti gha ne ɛ so ɛtaay ɛtomɛ nge gha i kyisi nyini, ɛlɛy ne ɛLushiyɔs ne ɛYason ne ɛSɔsipata nɛ nibhɛ ma so niYahodawa.

iRooma 16:5

Kyili ɛn mɛɛn ninaa ne iroos sa nɛ nibhɛ tumɛ ɛn ne ijwee nibhɛ wo. Kyili ɛn mɛɛn ɛnyi nge ɛPɛnetus se ne ɛbhɛ ɛ kaa tsa ɛ nang ne itin nɛ ne ɛKiriti gha ne ivel ne iSiya da.

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 iKɔrɔntos 16:10

Yaa sɛ ɛTimɔti gha kɛ tuu ɛlɔ mon na, te ne ɛ say ɛn ɛbhɛ ne irway ijwaan, daa ɛli ne ɛ ma so ɛhaa ɛtomɛ ɛTaanggbey ya te me wo ne mang.

1 iKɔrɔntos 16:15

ˆƐɛ yɛɛ ɛn ɛli ninaa ne ijwee ɛTifanos nibhɛ bhɛ kɛ tsa nibhɛ teye ninaa ne roos sa ne iKaya de, nibhɛ kɛ ne nang ito nibhɛ gbik ndɔ ɛtomɛ ninyi ɛTaanggbey ya. Nzi roro ne nyinɛn nigwaa en,

1 iKɔrɔntos 16:24

Te ishwim nge da shɛɛ nyini gbik ndɔ ne irywɛɛk ɛYɛso ɛKiriti.

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

2 iKɔrɔntos 11:10

iTin ɛKiriti de ne iphɛ so ndɔ me wo kɛ te me nzi bo wu hang ɛnyi ne sonɛ ne ivel ne iKaya da ne aa ring me ne hal ɛgyɛy ya.

2 iKɔrɔntos 9:2

Nzi ku yɛɛ ɛli ne ɛ bok ɛn irway ne phyik ga. Nggɛ ma yung hal ɛggyɛy ne nyinɛn ndɔ ninyi ne iMakyidɔniya daa ne ibol lɛdee wo, wu nyinɛn ninyi ne iKaya na ɛ kaa ku tum ɛn ibol ne ìnang ngge ne iwal. iHywee ne irway ne nang mon nɛdaa wo kɛ ne ma te nibhɛ kɛ ma yɛk irway ne nang ngɛ ne mang.

iGalatiya 1:1

ɛWee yɛwoo wo le ɛlɔ ɛBulus ne ɛ so ɛNgɔn ne Tom ɛYɛso ɛKiriti. Sɔng ɛnyi ɛbhɛ kɛ kasa me nang, sɔng ninyi nibhɛ kɛ ne ta nang me ɛtomɛ yɛ nang. Yang so ɛYɛso ɛKiriti gha ne ɛTaanggbey ne ɛ so ɛTaa ne ɛ kaa yiisik ɛbhɛ ne ikpuu da ɛbhɛ kɛ yel-le me.

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

2 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ ne idira ninaa ne roos ne iTasɔlɔnika, nɛ nibhɛ soye ninaa ɛTaanggbey ne ɛbhɛ ɛ soye ɛKyɛɛ njwɛɛn gbik ne ɛDaray ɛYɛso ɛKiriti.

1 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

2 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne icwas ɛTaanggbey. Kɛ tom me te n tɔng ninyi ibol ne iken ne ɛYɛso ɛKiriti kɛ sim-mɛ ndɔ ne ìtsɛm ne ɛbhɛ.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

ɛFilimɔn 1:1

ɛWee yɛwoo wo le ɛlɔ ɛBulus, ne kɛ rop ɛbhɛ ne nyang ɛlɔ ne mɔn ɛtomɛ ɛYɛso ɛKiriti gbik ne ɛgwaa njwɛɛn ɛTimɔti. Ɛbhɛ phɛɛs ɛlɔ ɛFilimɔn, ɛtaay ɛtomɛ mos ne njwii sim,

iBirani 13:23

Nzi sim naa yaak nyini wu kɛ tul ɛgwaa njwɛɛn ɛTimɔti yegha ne ijwee ne nyang ngo. Wu ɛ kɛ ne tuu dodooy, njwi sɛ ne yɛɛs ne ɛbhɛ njwi yaang nyini.