1 ɛBiturus 5:9 - ɛWee ne ìTsɛm iHywas

⁹ Sɔng ɛ nang ɛn ɛbhɛ ikɛk nang, kyinak ɛn gɛgɛy daa ne ìnang ne itin mon de, daa ɛli ne ɛɛ yɛɛ ɛn ninaa ne roos sa nɛ nibhɛ so ndɔ ɛzay ya gbik, nibhɛ ma sɔ nggbang ngga ɛli ne ɛ sɔ ɛn no.

1 ɛBiturus 5:9 ပူးပေါင်းရင်းမြစ်များ

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

iFisus 4:27

Sɔng ˆɛ nang ɛn ɛShɛtan ne gha ikɛk nang.

iFisus 6:16

Kang ne iphɛ ɛlɛy, te ìnang ne itin mon da ne teye igum mon ne ˆaa phoo ɛn nɛ nibara ne igboo ɛBebhe gha.

iKɔlɔsi 2:5

Gbik ɛli ne n sang so ne nyinɛn ndɔ ne ibek ge, icwas nge ne so daa mon. Ne n bok irway ihwala gbom ɛli ne nzi phok ɛ kɛ kyinak ɛn ne ihwet da, ɛ yɛk ɛn irway nviit da ndɔ ne ìnang ne itin mon de ne ɛKiriti gha.

1 iTasɔlɔnika 3:3

ɛLɔ ne nggbang ngɛdaa wo yaa yung te ɛdɛ mon ɛ tul irway. Nyinɛn no ne ito mon ˆɛ ku yɛɛ ɛn wu kɛ ku ryɔng njwɛɛn nggbang ngɛdaa wo.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

2 ɛTimɔti 3:12

ɛTsak, gbik ɛhiha ɛnyi ne ɛ sim te aa shɛɛ ihywee ne ishwɛɛ da ne ɛTaanggbey ya sim ndɔ ɛYɛso ɛKiriti gha, aa ne sɔ nggbang.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

iBirani 11:33

Kaa lenɛ ne ìnang ne itin nibhɛ de, nibhɛ ne re nigɔm ne itsom, nibhɛ bol ɛshara ntin, nibhɛ ne say ɛkɔn na ne ɛTaanggbey kɛ ku sim-mɛ, nibhɛ cwamas ninu nikuramanza.

iBirani 12:8

Wu ɛTaanggbey ya kɛ ne sang gbaat nyini ɛli ne ɛ gbaat ninɔn ɛbhɛ na, sɔng ne ˆɛ so ɛn nyini ninɔn ɛbhɛ na ririk nang, ˆɛ so ɛn te itso ne irywen.

ɛYakub 4:7

iPhɛ ɛlɛy ne ˆɛ nang ɛn ɛTaanggbey yegha itso mon. Mbaray nyini ɛShɛtan negha, aa ne tel nyini.

1 ɛBiturus 1:6

iPhɛ ɛlɛy, ne ɛ yɛk ɛn ne irway ihwala gbom, gbik ɛli ne ɛ bok en irway ishwii da ne hame ifɛ yaa phyɔngɔle wo lenɛ ne nggbang ngga ne ɛ sɔ ɛn ihywee-ihywee de ɛlyilyɛghaa wo.

1 ɛBiturus 2:21

Daa ɛkɔn nɛghaa wo ne ɛTaanggbey ya kɛ yel-le nyini nɛ. Ɛ kɛ yel-le nyini te ɛ sɔ ɛn nggbang ngga ɛli ne ɛKiriti gha kɛ ma sɔ ɛlɔ mon na. ɛLɛ wo ne ɛ kɛ ne tek nyini ne ngkɔɔl lɛ ne aa roos ɛn.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 6:11

Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.

Nikɔn ne kɛ Phaal 7:14

Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”