1 ɛBiturus 5:8 - ɛWee ne ìTsɛm iHywas

⁸ Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

1 ɛBiturus 5:8 ပူးပေါင်းရင်းမြစ်များ

ɛMacu 13:39

ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

ɛMacu 24:42

“iPhɛ ɛlɛy, ne ɛ shɛɛ ɛn ɛkanang, daa ɛli ne sɔng ɛ yɛɛ ɛn ɛtuk kɛgha ne ɛDaray mon na sɛ yɛɛs sang.

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 4:1

iKabyik ge ne bo ɛYɛso yegha iphɛ phɛ nɛ ndɔ ɛhay te ɛShɛtan bhɛ tɛɛrek ɛbhɛ.

ɛMacu 4:11

ɛShɛtan na ne ji tek ɛYɛso yegha, nimalɛka ne ji yɛɛs nibhɛ phyik ɛbhɛ.

ɛMarakus 4:15

iZee ne ihywɛ kɛ ne ho ne nkiinɛ wo ne so tɛ ninyi nɛ nibhɛ kɛ phok ibol ɛTaanggbey de, ɛShɛtan ne shii yɛɛs ɛ phɔt iphɛ ɛlɔ nibhɛ gha.

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

ɛLuka 21:36

Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”

ɛLuka 22:31

ɛYɛso gha ne yaak ɛSimɔn negha, “ɛSimɔn, ɛSimɔn! Phok me, ɛShɛtan kɛ phom ikɛk, kɛ ne nang ɛbhɛ ne aa bɛm nyini ɛ te nyini zɛzɛk ɛli ne ɛhaa ne ihwap i bɛm ɛlikama ɛbhɛ ɛ tul ishoo yɛ.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

2 iKɔrɔntos 2:11

Nggɛ ne hana wo, daa ɛli ne ɛShɛtan na yaa yung sɛ ikɛk ne luk njwɛɛn. Daa ɛli ne njwɛɛn i yɛɛ iluk ɛbhɛ da ncɛncɛng.

iFisus 4:27

Sɔng ˆɛ nang ɛn ɛShɛtan ne gha ikɛk nang.

iFisus 6:11

Yɛk ɛn nɛ igbum ba ne ɛTaanggbey ya kɛ nang ngo gbik, te ˆɛ yɛɛ ne kyinak ɛn gɛgɛy daa ne ntsɛntsɛng igywebhe ɛShɛtan de.

1 ɛTimɔti 2:15

Gbik ne iphɛ ɛlɛy, nikuk ka sɛ ne sɛ iphɔrɔt da lenɛ nɛ ninɔn nɛ nibhɛ yaak, wu nibhɛ kɛ re ɛnu ɛyisɛ ndɔ ne ìnang ne itin ne ishwim ne itul le kang, gbik ne wum ito.

1 ɛTimɔti 2:9

Nzi ne ma ta sim tɛ nikuk ka sɛ wɛɛ en yɛnɛng daa ne igyura nibhɛ. Te nibhɛ yaak en ne itsura da ne ifɛ kɛ jam mɛ, sɔng nibhɛ kyangase ne izel ne ban ito, ne izinariya, nɛ nikɔn ne nggyɛmɛng-nggyɛmɛng, ne itsura ne ijam gbom nang,

1 ɛTimɔti 3:11

ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.

1 ɛTimɔti 3:2

iPhɛ ne so nggbinggbing ɛndiinday ne idira ninaa ne roos sa so wɛlɛng ɛkɔn ne tok, ɛ bok ɛkuk ɛdaan. Ɛ so ihywɛɛ, ɛ kɛ wum ito ɛbhɛ, ɛ so lyaak, ɛɛ say ninaa ne kpoo, ɛɛ yɛɛ ne mɛmɛ ninyi nɛ yɛnɛng.

2 ɛTimɔti 4:17

ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

ɛTitus 1:8

Te ɛndiinday ya yang teye ɛhaa ne say ninaa ne kpoo, ɛhaa ne sim ɛkɔn ɛyɛnɛng. ɛNyi ne ɛ kɛ wum ito ɛbhɛ, ɛhaa ne itin, ɛnyi ne kɛ tul kang, ɛ kɛ ku gbaat ito ɛbhɛ.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.

ɛTitus 2:4

ɛLɛ wo nɛ nibhɛ yaa ne gbaat nikuk niphas sa tɛ nibhɛ sim niras nibhɛ nɛ ninɔn nibhɛ.

ɛTitus 2:6

ɛLɛy ne mang, te ninɔn niphas sa itsɔngɔl gɛgɛy tɛ nibhɛ shɛɛ hywɛɛ.

ɛYakub 4:7

iPhɛ ɛlɛy ne ˆɛ nang ɛn ɛTaanggbey yegha itso mon. Mbaray nyini ɛShɛtan negha, aa ne tel nyini.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

Nikɔn ne kɛ Phaal 12:10

Ne n ji phok ɛgbaang ne izɔlɔs daa ne irywa wo, ihywɛ bo, “Nten nɛdee wo ne iphɔrɔt ɛTaanggbey njwɛɛn da, ne ito ɛbhɛ de ne igbɔm ɛbhɛ, ne ito ɛKiriti ɛbhɛ de kɛ shwaak ghe. Daa ɛli ne kɛ top ɛhaa ne banga ikun na, ikun nigwaa njwɛɛn na ndɔ ɛzay ya. Ɛbhɛ ɛ banga ikun nigwaa njwɛɛn de ɛnu ɛyisɛ ɛTaanggbey njwɛɛn na, ne igbey ne ɛtuk gbik.

Nikɔn ne kɛ Phaal 12:12

iPhɛ ɛlɛy, igyɛ ne irywa nɛ ninaa ɛdak kɛ gbik ne ɛ yɛk ɛn irway ihwala! iGyɛ ne ɛzay yo ne ɛling nga, ɛ so ɛn ɛKɔn ne ɛnik! Daa ɛli ne ɛPhoo yɛghaa wo kɛ tɔm ndɔ ɛlɔ mon na ne njenjek gbom, daa ɛli ne ɛ ku yɛɛ nten ɛbhɛ de kɛ mak ncɛt.”

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 20:2

Ne ɛ ji wum izɔ igywebhe de, izɔ igywebhe ne ile yɛdee nggyɛ wo ne ihywɛ ihywɛ so ɛShɛtan na ɛ rop ɛbhɛ ishay ɛnom ɛdaan (1,000)