1 ɛBiturus 5:4 - ɛWee ne ìTsɛm iHywas

⁴ Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛBiturus 5:4 ပူးပေါင်းရင်းမြစ်များ

ɛYohana 10:11

“Mee nzo ɛhaa ne ntsabhak ɛyɛnɛng nga. ɛHaa ntsabhak ɛyɛnɛng nga nang iken ɛbhɛ ɛlɔ ne ntsabhak ɛbhɛ de.

1 iKɔrɔntos 9:25

Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

iBirani 13:20

ɛTaanggbey ne irway ne laal la kɛ yiisik ɛDaray njwɛɛn ɛYɛso yegha ne ikpuu. Ɛ mɔn ɛlɛ wo lenɛ nɛ neyi ne ìtsɛm ne inat ne kɛ rop. ɛYɛso yeghaa wo ɛbhɛ ɛ soye ɛGbaang ɛHaa ne Hyep ntsabhak ge.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

1 ɛBiturus 1:4

iPhɛ ɛlɛy, ìyɛk ne irway njwɛɛn da so daa ne isha ne ɛTaanggbey ya kɛ tek njwɛɛn nɛ daa ne irywa. Sɔng isha yɛdee nggyɛ wo sɛ sa nang, sɔng ihywɛ bees se nang, sɔng ihywɛ taal le nang.

1 ɛBiturus 2:25

Ɛ kaa birit ɛn te ᐩigyol ntsabhak ne ihywɛ kɛ birit. ɛLyilyɛghaa wo, ɛ kɛ ne bhɛ kyii ɛn ɛlɔ ɛHaa ne Hyep nyini gha ne ɛ so ɛHaa ne Wɛɛ ikpen mon da.

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 3:11

N yaaso, sɔng ne bees nten nang. iPhɛ ɛlɛy ne ɛ wum ɛkɔn na ɛ bok ko gɛgɛy ɛlɔ ne ɛdɛ ɛnyi yaa yung phɔt ɛkɔn ne ito ne igbɔm ɛwɛng mo gha ne ɛ kɛ re wo.