1 ɛBiturus 5:3 - ɛWee ne ìTsɛm iHywas

³ Sɔng ɛ tes ɛn nyini ninaa ne tɔɔsel igbɔm daa ninyi na ne ɛ hyep ɛn no nang, yang te ɛn nyini ɛkɔn ne mɛmɛ nɛ ɛlɔ nibhɛ gha.

1 ɛBiturus 5:3 ပူးပေါင်းရင်းမြစ်များ

2 iTasɔlɔnika 3:9

Njwi bok igbɔm mɛ ne njwi sɛ yɛk ngɛ ɛ re ɛn ne njwit, sɔng njwi kɛ ne mɔn ɛlɛy nang te njwi teye ɛkɔn ne mɛmɛ nɛ ɛlɔ mon na, ɛ roos ɛn ngkɔɔl mos.

iFilibi 3:17

Nigwaa en, nzi sim te ˆɛ sɛ roos ɛn ngkɔɔl nge, tɛ ne ˆɛ ta mɛmɛ ɛn nɛ, nɛ ninyi na nibhɛ kɛ roos ɛkɔn na ne njwi kɛ mɛmɛ nyini nɛ wo.

2 iKɔrɔntos 1:24

Sɔng njwii bo njwi yaa tɔɔrek nyini ndiinday daa ne ìnang ne itin mon de nang, kwa, njwɛɛn i mɔn ɛtomɛ gha ɛte, te ɛ sɛ ɛn irway ihwala daa ɛli ne ɛ kɛ kyinak ɛn ne ihwet ndɔ ne ìnang ne itin mon de.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

iFilibi 4:9

Gbik ɛkɔn na ne ˆɛ kɛ mɛmɛ ɛn nɛ ɛlɔ nge gha, ne ɛhaa ne ˆɛ kɛ say ɛn ɛlɔ nge gha, ne ɛhaa ne ˆɛ kɛ phok ɛn ɛlɔ nge gha gbik ne ɛhaa ne ˆɛ kɛ yaang ɛn ɛlɔ nge gha, mɔn ɛn nibhɛ. ɛTaanggbey ne irway ne laal da yaa ne shɛɛ ne nyinɛn.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

1 iKɔrɔntos 11:11

Gbik ne phɛ ɛlɛy, ndɔ ne ibol ne roos ɛDaray yede, sɔng ɛkuk ka ne so kang nɛ ɛras sa nang, sɔng ɛras sa ne ma so kang nɛ ɛkuk ka nang.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

ɛYohana 13:15

Nggɛ tɔɔrek nyini ɛkɔn ne aa mɔn ɛn, te ɛ ma mɔn ɛn ɛli ne nggɛ mɔn nyini nɛ wo.

1 iTasɔlɔnika 1:7

Kɛ ne lenɛ ɛlɛ wo ɛ te nyini ɛkɔn ne mɛmɛ nɛ ɛlɔ ninaa ne roos ne iMakyidɔniya gbik nɛ ninaa ne iKaya na.