1 ɛBiturus 5:13 - ɛWee ne ìTsɛm iHywas

¹³ iDira ninaa ne roos de nɛ nibhɛ so ne iBabila de, ninaa ne ɛTaanggbey ya kɛ ma kasa nibhɛ wo, i kyiisi nyini. ɛLɛy ne ɛngɔn nge ɛMarakus.

1 ɛBiturus 5:13 ပူးပေါင်းရင်းမြစ်များ

ɛTomɛ 12:12

Ne sɛ ɛBiturus sa kɛ seng ngo wo, ne ɛ phɛ ne ijwee ɛMɛri ne ɛ soye ɛgyinɛ ɛYohana ne bok ɛbhɛ ɛMarakus. ɛNggyɛ wo nɛ ninaa ne roos sa kaa bhɛ tumɛ ɛn nɛ gbom nibhɛ bol ne ɛTaanggbey ya.

ɛTomɛ 12:25

Kɛ ne sɛ ɛBanabas sa ne ɛShawulu gha kɛ bhɛ taal ɛkɔn na nɛ nibhɛ kɛ phɛɛs ne mɔn ne iYɛrushɛlɛm be, nibhɛ ne bhɛ kyii nibhɛ phɛ ne iNtakiya. Nibhɛ kaa ne bhɛ boos ɛYohana ye ne bok ɛbhɛ ɛMarakus.

Nikɔn ne kɛ Phaal 18:2

Ne ɛ boote ne ɛgbaang ne izɔlɔs, ɛ yɔngɔ, “Ɛ kɛ ho! ɛGbaang ne iBabila wo kɛ ho! Ɛ kɛ teye ɛlɔ ne shɛɛ niphoo, ne icwak ne ikpabyik ne ishis, ɛlɔ ne ninon ne ishis ne ᐩinyam igywebhe izee ne ishis.

Nikɔn ne kɛ Phaal 17:5

Kɛ haa idɛ irywɛɛk ko ne ɛnting ngɛ so gying ne itiri ɛbhɛ de ɛlɛ, “ƐBABILA ƐNDIINDAY, ƐGYINƐ NINAA NE RE SHWAA, ƐGYINƐ NIKƆN NE ISHIS ƐZAY GBIK.”

2 ɛYohana 1:13

Ninɔn ɛgwaa mo ɛkuk ka ne ɛTaanggbey ya kɛ kasa ɛbhɛ wo i kyiisi yɛ.

ɛTomɛ 15:37

ɛBanabas sa ne i sim te ɛYohana gha ne bok ɛbhɛ ɛMarakus sa sɛɛ roos nibhɛ.

ɛTomɛ 15:39

iShamas ne lel ndɔ nibhɛ gbom daa ne ibol lɛdee, nibhɛ ne hobhoset. ɛBanabas sa ne bo ɛMarakus segha nibhɛ lel ne ikparak nibhɛ phɛ ne iKuburus.

iKɔlɔsi 4:10

ɛRisitakus ne njwi so ne nyang ge ɛbɛ wo ne ɛbhɛ i kyisi nyini. ɛLɛy ne ɛMarakus nɛ nibhɛ bok ɛgaay ɛdaan nɛ ne ɛBanabas ne mang. ɛMarakus sa ne nggɛ ku mɔng nyini ibol ɛbhɛ de, yaa ne sɛ ɛ kɛ yɛɛs so, te ne ˆɛ say ɛn ɛbhɛ ne ibɔ iphaa.

ɛFilimɔn 1:24

ɛLɛy ne ɛMarakus, ne ɛRisitakus, ne ɛDimas gbik ne ɛLuka nɛ nibhɛ so nitɛɛrɛk nge ndɔ ɛtomɛ ɛYɛso ɛKiriti gha, i kyiisi yɛ.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.