1 ɛBiturus 5:12 - ɛWee ne ìTsɛm iHywas

¹² ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

1 ɛBiturus 5:12 ပူးပေါင်းရင်းမြစ်များ

ɛYohana 21:21

Kɛ ne sɛ ɛBiturus sa kɛ yaang ɛbhɛ wo, ne ɛ phom ɛYɛso yegha ɛ yɔngɔ, “ɛDaray, ɛnyi yɛghaa wo lɛɛ?”

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

ɛTomɛ 15:22

Ninɔn ne tom ma, nɛ ninu ne ikɔɔn na gbik ne idira ninaa ne roos de kaa ne yaang iphɛ kɛ jam mɛ nibhɛ kasa nidɛng ndɔ nibhɛ wo nibhɛ byinki nibhɛ nɛ ɛBulus sa ne ɛBasabas sa nibhɛ tom ne iNtakiya de. Nibhɛ ne kasa ɛSila ye ne ɛYahuza ne kaa i bok ɛbhɛ ɛBanabas. Ninyi ifaa yɛnaa nggyɛ wo soye nindiinday ne idira ninaa ne roos sa.

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

1 iKɔrɔntos 15:1

ɛLyilyɛghaa wo nigwaa en, nzi sim na taate nyini ne iBol iYɛnɛng ngge ne nggaa tɔng nyini wo, idee ne ɛ kɛ say ɛn, ɛ ta roos ɛn no.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

2 iKɔrɔntos 1:24

Sɔng njwii bo njwi yaa tɔɔrek nyini ndiinday daa ne ìnang ne itin mon de nang, kwa, njwɛɛn i mɔn ɛtomɛ gha ɛte, te ɛ sɛ ɛn irway ihwala daa ɛli ne ɛ kɛ kyinak ɛn ne ihwet ndɔ ne ìnang ne itin mon de.

iFisus 3:3

kaabi ɛTaanggbey ya kɛ phaal me ɛkɔn ɛbhɛ ne ɛ so gying, ɛ tɔɔl me ɛli ne nggɛ ne ma ku haal ncɛt to.

iFisus 6:21

Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iKɔlɔsi 4:7

ɛTikyikus yaa tɔng nyini ibol nge gbik. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ, ɛtaay ɛtomɛ mos ndɔ ɛDaray ya.

iKɔlɔsi 4:9

Ɛ sɛ yaaso gbik ne ɛNisimos ne ɛ soye ɛhaa ɛlɔ mon. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ. Nibhɛ sɛ ne tɔng nyini gbik nikɔn na nɛ nibhɛ tes ɛbɛ wo.

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

2 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ ne idira ninaa ne roos ne iTasɔlɔnika, nɛ nibhɛ soye ninaa ɛTaanggbey ne ɛbhɛ ɛ soye ɛKyɛɛ njwɛɛn gbik ne ɛDaray ɛYɛso ɛKiriti.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 4:10

ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.

2 ɛBiturus 1:12

iPhɛ ɛlɛy, naa ne i tas nyini nɛ nikɔn nɛnaa wo cɛcɛɛy, gbik ɛli ne ɛ jung yɛɛ ɛn nibhɛ wo, ɛ kɛ ta kyinak ɛn gɛgɛy daa ne itin de ne ɛ kɛ say ɛn no.

2 ɛBiturus 2:15

Nibhɛ kɛ tek ɛnkiinɛ tsik ko nibhɛ roos ɛnkiinɛ ɛBalamu, ɛngɔn ɛBɛyor, ne kaa lenɛ ne sim ijam ɛbhɛ, ɛ yaa phok yɛnɛng ne mɔn ibebhe.

3 ɛYohana 1:12

ɛDɛmɛtiriyus sa ne bok ishɛɛda iyɛnɛng ɛlɔ ninyi na gbik. iTin de ne ito ne iphɛ kɛ ma nang ishɛɛda ɛbhɛ. Njwit to njwii ne ma naas ishɛɛda ɛbhɛ de, ˆɛ ne ma ku yɛɛ ɛn wu ishɛɛda mos de so itin nɛ.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.