1 ɛBiturus 5:1 - ɛWee ne ìTsɛm iHywas

¹ Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

1 ɛBiturus 5:1 ပူးပေါင်းရင်းမြစ်များ

ɛLuka 24:48

Nyinɛn ɛ kɛ ne yaang ɛ nikɔn nɛnaa wo ne irwisɛ mon.

ɛTomɛ 1:22

iPhɛ kɛ jam mɛ te ɛnyi yɛ so ɛhaa ne njwɛɛn ku sonɛ nibhɛ lenɛ nten de ne ɛYohana gha kaa yɛk ɛYɛso yegha ne iBatisima de, phyin bhɛ hɔn nten de ne kɛ bo ɛbhɛ i phɛ nɛ dak ne irywa wo. ɛNyi gha ne yaa ne kasa wo nang, njwɛɛn ne yaa ne tɔng ibol ne yilitsik ne ikpuu ɛYɛso da ne nibhɛ.”

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛTomɛ 11:30

Nibhɛ ne mɔn ɛlɛy, nibhɛ ji tom ɛBanabas se gbik ne ɛShawulu nɛ nikɔn na, tɛ nibhɛ nang ninu nikɔɔn ninaa ne roos ne iYɛrushɛlɛm be.

ɛTomɛ 14:23

Kɛ ne sɛ ɛtsim mɛ nɛ ɛBulus sa ne ɛBanabas sa kɛ kasa nirɔngɔ nindiinday ndɔ ne idira ninaa ne roos nibhɛ, nibhɛ ne i bol ne ɛTaanggbey nibhɛ kuma, nibhɛ nɛ ji tek nindiinday ya ndɔ ne iwɔ ɛDaray yo nɛ nibhɛ kɛ nang ne itin nɛ ne ɛbhɛ wo.

ɛTomɛ 15:4

Ne sɛ nibhɛ kɛ bhɛ tuu iYɛrushɛlɛm be, ninaa ne roos sa, nɛ ninɔn ne tom ma gbik nɛ ninu ne ikɔɔn na ne say nibhɛ. ɛBulus sa ne ɛBanabas sa ne tɔng nibhɛ nikɔn na gbik ne ɛTaanggbey ya kɛ mɔn lenɛ nɛ nibhɛ wo.

ɛTomɛ 15:6

Ninɔn ne tom ma nɛ ninu ne ikɔɔn na ne sɛm en nibhɛ wɛɛ bol lɛdee wo.

ɛTomɛ 2:32

ɛTaanggbey ya kaa yiisik ɛYɛso yɛghaa wo tsik ndɔ ne ikpuu da, gbik mos so njwi kaa yaang ɛlɛy ɛtsak.

ɛTomɛ 20:17

ɛBulus sa ne bhɛ shɛɛ ne iMilitus de ɛ tom mɛ bhɛ yel-le ɛbhɛ ninu ne ikɔɔn ninaa ne roos ne iFisus sa.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 21:18

Ne cwiil ne ihwɛlɛ yɛ, ɛBulus sa ne ɛbyin mos njwi ne phɛ njwi bhɛ kyili ɛYakub bhe. Gbik ninu ne ikɔɔn ninaa ne roos sa kaa ne sonɛ.

ɛTomɛ 3:15

Ɛ kaa phoo ɛn ɛHaa ne ɛ nang iken, ɛbhɛ ne ɛTaanggbey ya kɛ ne yiisik ɛbhɛ tsik ndɔ ne ikpuu da. Njwi kaa yaang ɛli nɛ nikɔn nɛnaa wo kɛ tes.

2 iKɔrɔntos 5:1

Njwii yɛɛ, sɛ́ sɛ ipho yɛdee wo ne njwɛɛn sonɛ ndɔ ɛzay yɛghaa, kaabi ibek ge ne njwɛɛn bok ndɔ ɛzay yɛghaa wo, kɛ bees se; ɛTaanggbey ya ne ito ɛbhɛ sɛ ne ryɔng njwɛɛn ijwee daa ne irywa. Sɔng ɛten ɛsii bhɛ sɛ ryɔng ijwee yɛwoo nggyɛ wo nang, ifɛ sɛ soye ihoo ne inat.

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

iFilibi 1:19

daa ɛli ne nzi yɛɛ yaa lenɛ ne ivol da ne ˆɛ bol ɛn ne ɛTaanggbey ya daa me wo, ne iphyik ne iKabyik ɛYɛso ɛKiriti de, ne i tul me ne inyang nge.

1 ɛTimɔti 5:1

Sɔng ˆɛ sit ɛhelem ma ne ɛbung nang. Yang bol ne ɛbhɛ hywɛɛ te ɛkyɛɛ mo. Boos ɛngɔn ɛphas sa te ɛgwaa mo,

1 ɛTimɔti 5:19

Sɔng ˆɛ mɔn ɛtomɛ ne ibol ne kɛ yɛɛs sɛ nɛ daa ɛndiinday ne idira ninaa ne roos sa nang, hyep ɛ kyi sɛ nishɛɛda ifaa hang itwat yɔɔ.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 1:5

Nggɛ tek kɛ ne ikop inɛn ne iKɛrɛt de te ˆɛ ryɔng ɛbyin ɛtomɛ gha ne ɛ kɛ mak ko, te ˆɛ ta yaak nɛ nindiinday ne idira ninaa ne roos ndɔ nigarang nga gbik ɛli ne ngga ku tɔng ngɛ wo.

ɛFilimɔn 1:9

Gbik ne phɛ ɛlɛy, mee ɛBulus, nzi ne roro ne igyɛ ndɔ ne ishwim. Mee wo ne nggɛ helem mo, n da so ne nyang nggɛ ɛlɔ ɛYɛso ɛKiriti gha.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

3 ɛYohana 1:1

ɛWee yɛwoo wo le ɛlɔ ɛndiinday ɛYohana, ɛbhɛ phɛɛs ɛlɔ ɛtaay nge ɛGayus se nɛ ɛhaa ne nzi sim ɛbhɛ nɛ ne itin nɛ.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.