1 ɛBiturus 4:8 - ɛWee ne ìTsɛm iHywas

⁸ ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

1 ɛBiturus 4:8 ပူးပေါင်းရင်းမြစ်များ

1 iKɔrɔntos 13:1

Nzɛ kyii yɛɛ ne bol ilwem ninyi ɛzay da ne ivaa ne nimalɛka, wu ne n sang ishwim, nggɛ ne te te irak ne iphɛ rɛrɛ zɔng, hang igin ne iphɛ ma rɛrɛ yɔɔ.

1 iKɔrɔntos 13:4

iShwim ba i yɛɛs ne ɛbɔk, ne iyɛnɛng; sɔng ishwim ba bok ɛnkyis nang, sɔng ifɛ bok hal ɛggyɛy nang, sɔng ifɛ ne bok ibɛɛs nang,

iKɔlɔsi 3:14

Hante ɛn ne ishwim daa nikɔn nɛnaa wo. iShwim ba ifɛ kɛ byingis nikɔn na ɛlɔ ɛdaan nibhɛ te hyɔrɔ.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

iBirani 13:1

Re ɛn ɛnu ɛyisɛ ne sim nyini tɛ nigwaa ndɔ ɛKiriti.

ɛYakub 5:12

ɛKɔn na ne ɛ phyin gbik ko nigwaa en, sɔng ˆɛ lɛlɛm ɛn ihywa de nang. Sɔng ˆɛ lɛlɛm ɛn ihywa de ne ivel nang, sɔng ne ˆɛ lɛlɛm ɛn ne ɛdaa ne irywa nang, sɔng ˆɛ lɛlɛm ɛn daa ɛdɛ ɛkɔn na nang. Te “Ɛɛy” mon teye ɛɛy, te “Kwa,” mon teye kwa, ɛlɔ ne yaa yung hyɛ nyini ɛshara ne iku.

ɛYakub 5:20

Ne ˆɛ seng ɛn ɛbɛ, gbik ɛnyi gha ne ɛ kɛ ban ɛhaa ne ɛfɔt ta ɛ kyii ne ɛbhɛ ne ɛnkiinɛ wo, aa ne phɔt iken ɛhaa ne ɛfɔt tɛghaa nggyɛ wo ɛlɔ ne iku, ɛ ta te i han ɛbhɛ ne ɛfɔt da gbom.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

3 ɛYohana 1:2

iGyɛ ɛgwaa nge ne nzi sim, nzi bol ne ɛTaanggbey wu te ˆɛ shɛɛ ishwɛɛ ncaang daa nikɔn na gbik, ne ncenceng ne ibek ɛli ne nzi yɛɛ ˆɛ so ncaang ndɔ ne ikabyik ge.