1 ɛBiturus 4:4 - ɛWee ne ìTsɛm iHywas

⁴ ɛLyilyɛghaa wo, nitaay ne ile mon na i ne yaang ɛkɔn ne kparat ne hame ɛ tɔ sim ɛ mɔn ɛn nikɔn nibebhe yɛnaa nggyɛ wo, iphɛ ɛlɛy, nibhɛ ne towos nyini.

1 ɛBiturus 4:4 ပူးပေါင်းရင်းမြစ်များ

ɛMacu 23:25

“ɛKɔn ne ɛnik nyinɛn ninaa ne kpɛl ɛShara gha gbik nɛ niFarisawa na. Ɛ so ɛn nyini niluk! Ɛ kuus ɛn ɛtsim nihyihyangas mon na nɛ nikyee ne re ire mon na, idɔ yɛ ne ji kyii so hyɔrɔ ne ire ne ɛ kɛ phɔrɔt ɛn ne ihwet daa ne sim ito mon.

ɛLuka 15:13

Ne phyɔngɔle ncɛt, ɛngɔn ɛshɛɛrɛng nga ne kpuru nikɔn ɛbhɛ gbik ɛ phɛ ɛhak ɛgarang ne ɛ so kyakyak. ɛNggyɛy yo ne ɛbhɛ bees iryat ɛbhɛ de ndɔ ne ishwɛɛ ɛbuu.

ɛTomɛ 13:45

Ne sɛ niYahodawa na kɛ yaang ɛgbaang ne idira ninyi wo, nibhɛ ne yaa waa irway, nibhɛ hyis ɛBulus segha ne ɛnyɛs, nibhɛ re ishamas nibhɛ jii ishamas ivol ɛbhɛ da.

ɛTomɛ 18:6

Sɔng niYahodawa na ne say bol ɛBulus de nang, nibhɛ ne i towos ɛbhɛ. iPhɛ ɛlɛy, ɛBulus sa ne te ɛbung ne itsura ɛbhɛ rarak, ɛ yaak nibhɛ, “Tɛ neyi mon na shɛɛ daa ne ito mon! Sɔng n bok ɛfɔt mon nang. ɛLyilyɛghaa wo naa tek nyini mbɛ tɔng ninyi na ne hame nibhɛ so niYahodawa ibol ɛTaanggbey de.”

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iFisus 5:18

Sɔng ˆɛ te ɛn ziizii ne sɔ inɛn ɛnap ba, ne iphɛ hɔ ninyi na iphɛ phɛ nɛ ne ihyop igywebhe ne ibek ge ne iphɛ sang ncwa da nang. Yang te ɛn hyɔrɔ ne iKabyik.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

2 ɛBiturus 2:12

Ninyi yɛnaa nggyɛ wo i ne bol ivol ne bɛɛs daa ɛkɔn na nɛ nibhɛ sang yɛɛ ito yɛ. Nibhɛ so te inyam ɛhay ne ihywɛ sang yɛɛ ɛkɔn, ihywɛ roos ɛkɔn na ne ibek ne ihywɛ kɛ yɔngɔ. Nzo kɛ ryɔng inyam ɛhay de te i wum i hyɛ zɔng. Ninyi yɛnaa nggyɛ wo sɛ ne kus te inyam ɛhay de.

2 ɛBiturus 2:22

Ɛɛy! ɛKɔn na nɛ nibhɛ kɛ mɔn no ɛ so cɛcɛɛy ne ibol de ne iphɛ bo, “ɛBabu gha kɛ kyi ta lɛlɛm ihɔs ɛbhɛ da.” Ne idee ne iphɛ ta bo, “ɛTɔɔm mo ne kɛ kuus so kɛ kyi ta bhɛ bɔsɔm me ne ifɔm.”

ɛYahuza 1:10

Gbik ne iphɛ ɛlɛy, ninyi yɛnaa nggyɛ wo i ne bol ivol ne towos daa nikɔn na nɛ nibhɛ sang yɛɛ, nibhɛ mɔn nikɔn na tang icwas te ᐩinyam ɛhay ne ᐩihywɛ sang icwas, nikɔn nɛnaa nggyɛ wo bhɛ sɛ ne bunga nibhɛ.