1 ɛBiturus 4:17 - ɛWee ne ìTsɛm iHywas

¹⁷ Nten de kɛ tuu ne yaa tsa bol ninaa ne roos ɛTaanggbey yegha ɛshara gha. Wu njwɛɛn no ne yaa ne tsa i bol njwɛɛn ɛshara gha, ninyi na nɛ nibhɛ kɛ ne mbaray tang roos iBol iYɛnɛng ɛTaanggbey de se ne ji taal ɛlii?

1 ɛBiturus 4:17 ပူးပေါင်းရင်းမြစ်များ

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.

iRooma 2:9

ɛGbaang nggbang ne ɛmpyep i hyep gbik ɛnyi gha ne ɛɛ mon ibebhe de, sɛ tsa nɛ niYahodawa, ne ji kungus nɛ ninyi na ne hame nibhɛ soye niYahodawa na.

ɛLuka 23:31

ɛYɛso gha ne hante ne yaak nibhɛ, “Wu ninyi kɛ mɔn nikɔn nɛnaa wo daa ne ihon no ne ifɛ tɔ ishwirim mo, nibhɛ sɛ ne ji mɔn ɛlii ne sɛ́ sɛ ifɛ kɛ howo woo?”

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

iBirani 2:4

ɛTaanggbey ya kɛ ne ta hante nang idee ɛbhɛ ishɛɛda lenɛ nɛ nikɔn ne kparat, nɛ nikɔn ne ɛnik, ne ìnang ne iKabyik ɛbhɛ ihywee-ihywee ne ɛ kɛ naas ninyi na lenɛ ɛli ne ɛ sim.

iBirani 2:2

iBol de nɛ nimalɛka na kaa tɔng nikyɛɛ-nikyɛɛ njwɛɛn na kaa so itin nɛ ɛtsak, iphɛ ne ta so itin nɛ wu gbik ɛnyi gha ne ɛ kaa mbaray tang roos iphɛ wo ɛ kaa sɔ nggbang ngga ne mpɛ so kacɛng ne ɛkɔn na ne ɛ kɛ mɔn no.

iGalatiya 5:7

Ɛ kaa tsa ɛ hyel ɛn yɛnɛng, ɛhay ɛbhɛ kɛ ne yaa ring nyini ne roos itin dee?

iBirani 11:8

Kaa ne lenɛ ne ìnang ne itin de ɛBaraying roos ibol ɛTaanggbey nten de ne kaa yel-le ɛbhɛ, te ɛ phɛ ne ivel ne kaa yɔng aa teye isha ɛbhɛ. Sɔng ɛ kaa ne i yɛɛ ɛlɔ gha ne ɛ phɛɛs nang, gbik ne iphɛ ɛlɛy ne ɛ phɛ.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.