1 ɛBiturus 4:14 - ɛWee ne ìTsɛm iHywas

¹⁴ Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

1 ɛBiturus 4:14 ပူးပေါင်းရင်းမြစ်များ

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

ɛYohana 15:21

Nibhɛ yaa mɔn nyini ɛlɛ wo daa ɛli ne ɛ so ɛn ninyi nge; sɔng nibhɛ ne yɛɛ ɛHaa ne ɛ kɛ tom me wo nang.

ɛYohana 8:48

niYahodawa na ne yaak ɛYɛso yegha, “Sɔng ibol mos de so itin nɛ ne njwi kaa yɔng wu ɛ soyɛ ɛnyi ne iSamariya gha, ɛphoo gha ta so ndɔ mo de nang nge?”

ɛYohana 9:28

Nibhɛ ne toke ɛbhɛ nibhɛ yɔngɔ, “iGyɛ ɛ so ɛngɔn ne icwam ɛnyi yɛghaa nggyɛ wo, njwi so ninɔn ne icwam ɛMuusaa!

ɛYohana 9:34

Nibhɛ ne kyii nɛ nibhɛ yaak ɛbhɛ, “iGyɛ ne kɛ ma yɛk kɛ ɛ bok ɛfɔt, ɛ phyii hɔn ndɔ ne ɛfɔt to, aa ne mɔn ɛlii ɛ mɛmɛ njwii nɛ nikɔn naa?” Nibhɛ ne tul ɛbhɛ gɔɔ ne izay ne itɔɔy yo.

ɛTomɛ 13:45

Ne sɛ niYahodawa na kɛ yaang ɛgbaang ne idira ninyi wo, nibhɛ ne yaa waa irway, nibhɛ hyis ɛBulus segha ne ɛnyɛs, nibhɛ re ishamas nibhɛ jii ishamas ivol ɛbhɛ da.

ɛTomɛ 18:6

Sɔng niYahodawa na ne say bol ɛBulus de nang, nibhɛ ne i towos ɛbhɛ. iPhɛ ɛlɛy, ɛBulus sa ne te ɛbung ne itsura ɛbhɛ rarak, ɛ yaak nibhɛ, “Tɛ neyi mon na shɛɛ daa ne ito mon! Sɔng n bok ɛfɔt mon nang. ɛLyilyɛghaa wo naa tek nyini mbɛ tɔng ninyi na ne hame nibhɛ so niYahodawa ibol ɛTaanggbey de.”

ɛTomɛ 28:22

Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 4:10

iZenge ne ihwɛlɛ, njwi so ɛnu ne iku te ɛYɛso gha, te sɛ yaang ihywee ne ishwɛɛ ɛYɛso da ndɔ ne ibek mos de ne iphɛ so idee ne ku de.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

iGalatiya 1:24

Nibhɛ ne nang ɛTaanggbey ye ne ndiinday daa ɛkɔn na ne ɛ kɛ mɔn ne me wo.

iBirani 11:26

Ɛ kaa kasa ncwa da ne aa sɔ ɛlɔ ɛKiriti gha phyin iryat ne iMasad de ne iyɛnɛng gbom, daa ɛli ne ɛ kaa sit irwisɛ ɛbhɛ ne iyɛnɛng ngge ne sɛ bhɛ mɔn ɛbhɛ nɛ gɔɔ ɛyisɛ gha.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

ɛYakub 5:11

ɛTsak, njwɛɛn i yeres ninaa nɛ nibhɛ kɛ rop iku de ninaa ɛwɛng. ˆƐ kɛ phok ɛn ihywee ne rop iku de ne ɛYuba gha kaa rop po, ne ˆɛ ta seng ɛn ɛli ne ɛDaray ya kɛ sit ɛbhɛ ne ɛwɛng nga ne ɛtsim mɛ wo. Daa ɛli ne ɛDaray ya so hyɔrɔ ne rɔ-irway gbik ne san iyɔm.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 4:16

Wu ɛɛ sɔ ɛn nggbang ngga daa ɛli ne ɛ so ɛn ninaa ne roos ɛKiriti yegha, sɔng ne ɛ phok ɛn ncwa nang, yang nang ɛn ɛTaanggbey ye ne ndiinday daa ɛli ne ɛ bok ɛn irywɛɛk ɛKiriti wo.

2 ɛBiturus 2:2

Ninyi gbom sɛ ne roos ihywel ikpɛɛ nibhɛ da ne ifɛ so ivaa ne ishwɛɛ ne phok yɛnɛng nikɔn ne yɔm ncwa. Sɛ ne lenɛ ne ibol nibhɛ de ɛbyin ninyi na bol ivol ikpɛɛ daa ne ɛnkiinɛ ne itin no.