1 ɛBiturus 4:10 - ɛWee ne ìTsɛm iHywas

¹⁰ ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.

1 ɛBiturus 4:10 ပူးပေါင်းရင်းမြစ်များ

ɛMarakus 10:45

Mee ɛNgɔn ɛNyi gha sɔng nggɛ yɛɛs ndɔ ɛzay ya tɛ ninyi na mɔn me nitomɛ nang. Nggɛ yang yɛɛs te mɔn ninyi na ɛtomɛ gha. N phyii nang iken nge ɛlɔ ne ikpen ninyi ba.”

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 3:10

Lenɛ ne izɛɛng ne ɛTaanggbey ya kɛ nang me, nggɛ ne tum ɛtum ne ijwee wo, daa ɛli ne nzo ɛhaa ne yɛɛ ne ijwee. ɛHak ɛnyi yaa ne ji lɔl daa ne ɛtum mɛwoo wo. iPhɛ ne so nggbinggbing ɛrɔngɔ wɛɛ ye yɛnɛng ɛli ne aa lɔl ijwee wo da ne ɛtum mɛwoo wo,

iFisus 4:11

Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

iRooma 15:27

Ninyi ne iMakyidɔniya na kɛ mɔn ɛlɛ wo ndɔ ne irway ihwala, ibol lɛ kaa yung so nibhɛ nggbinggbing. Wu ninyi na ne hame nibhɛ so niYahodawa na kaa sɛ ɛwɛng ne iKabyik ɛlɔ niYahodawa na, iphɛ kɛ ne te nibhɛ nggbinggbing nibhɛ ma phyik niYahodawa na nɛ Niwɛng nikɔn iryat ta nɛ nibhɛ kɛ ma sɛ wo.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

ɛLuka 19:13

Kaa ne sɛ ɛNyi yɛghaa nggyɛ wo yunga bo nikɔn nang, ne ɛ yel-le nikpuru ɛbhɛ ɛnduwubɔ ɛ nang ɛrɔngɔ ɛmpɔm ɛ yaak ɛbhɛ, ‘Ngga, ɛ jung ngee hyeem nyini nɛ nyɛɛn mbɛ kyii.’ ”

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iRooma 15:25

ɛLyilyɛghaa wo, ne n phɛɛs ne iYɛrushɛlɛm te mbɛ nang ninyi ɛTaanggbey ya nɛ nibhɛ so ɛnggyɛ wo iphyik.

ɛMacu 25:44

“Nibhɛ sɛ ne ma kyii nɛ, nibhɛ yɔngɔ, ‘ɛDaray, njwi kaa yaang ngɛ ne nggyibhii ɛ so kpyak ko, irway mo da has so, ɛ so yɛ ɛhaa ne kpoo gha, ɛ sang ɛtura wo, ɛ so shwa wo, ɛ ta so ndɔ ne ijwee ne nyang njwi ne shɛɛ tang phyik kɛwoo?’

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

ɛMacu 24:45

“ɛHay ɛbhɛ soye ɛkpuru ne itin na ne ɛhaa ne ntsɛntsɛng nga? ɛHaa ne ɛkyɛɛ ne ijwee ɛbhɛ gha sɛɛ tek ɛbhɛ ne ijwee wu te ɛ wɛɛ ɛbyin nikpuru gha, ɛ ji naas nibhɛ ire de nɛ nten nɛ woo?

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

2 iKɔrɔntos 9:1

Sɔng iphɛ ji ta so nggbinggbing n da haa nyini bol ne ìnang ngɛdaa wo ne yaa phyik ninyi ɛTaanggbey ya nɛ nɛ nibhɛ so ne iYɛrushɛlɛm be nang.

ɛMacu 24:21

Daa ɛli ne nggbang ne nten nɛdee nggyɛ wo sɛ kat gbom, sɔng kɛ ku yaang ihywee mpɛ ne ile ne tum ɛzay de nang, sɔng sɛ ne tang ta yaang ihywee mpɛ dɔng nang.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛBiturus 5:12

ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

ɛMacu 25:17

ɛLɛy ne ɛhaa ne kɛ nang ɛbhɛ ninom ifaa na ne ɛ ma mɔn ɛlɛy, ne ɛ ma sɛ nihak ninom ifaa ne ɛdaa ɛco yɛ.