1 ɛBiturus 3:9 - ɛWee ne ìTsɛm iHywas

⁹ Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

1 ɛBiturus 3:9 ပူးပေါင်းရင်းမြစ်များ

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 5:39

Mee wo nzi ne bok nyini, sɔng ɛ tal ɛn ɛnyi gha ibebhe de ne ɛ kɛ mɔn nyini nɛ wo nang. Wu ɛnyi gha kɛ ma yung baal lɛ nggbaam ne iwɔ ne irwye, ne ɛ hyere ɛbhɛ ihoo ne iwɔ ne itsan dɔng.

ɛMacu 5:44

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

ɛMarakus 10:17

Kɛ ne sɛ ɛli ne ɛYɛso gha kɛ bo nikɔn ɛ hyel, ɛdɛ ɛnyi gha shii zugha ɛbhɛ cwi ne irwa-nggburuk ɛnu ɛyisɛ ɛbhɛ ɛ phom ɛbhɛ ɛ yaak ɛbhɛ, “ɛKyɛɛ ɛyɛnɛng, ikyee ne naa mɔn te n nzɛ iken ne inat de daa mɛɛ?”

ɛLuka 10:25

Kɛ ne sɛ ɛdɛ ɛtuk kɛ, ɛdɛ ɛHaa ne Kpɛl ɛShara gha ne yilitsik, ɛ tɛrɛk ɛYɛso yegha ɛ yaak ɛbhɛ, “ɛKyɛɛ ne iCwam, ikyee iphɛ so nggbinggbing n mɔn te nzɛ iken ne inat dee?”

ɛLuka 18:18

ɛDɛ ɛndiinday niYahodawa na ne bhɛ sɛ ɛYɛso yegha, ɛ phom ɛbhɛ, ɛ yaak ɛbhɛ, “ɛKyɛɛ ne iCwam ɛyɛnɛng, ikyee ne nzɛ mɔn te nzɛ sɛ iken ne inat de daa mɛɛ?”

iRooma 12:14

Sit ɛn ninyi na nibhɛ baasek nyini nggbang ngga ne ɛwɛng, ɛɛy sit ɛn nibhɛ ne ɛwɛng, sɔng ɛ yaak ɛn ɛTaanggbey yegha te ɛ te nibhɛ teye ninaa ɛkawɛy ya nang.

iRooma 12:17

Wu ɛnyi gha kɛ mɔn nɛ ibebhe, sɔng ɛ tal ɛbhɛ nɛ ne ibebhe ɛbhɛ de nang. Wɛɛ nyini hywɛɛ te ɛ mɔn ɛn ɛkɔn na nɛ ninyi na gbik i yaang ɛ kɛ jam.

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

iRooma 8:30

Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.

iGalatiya 3:14

ɛKiriti gha kɛ mɔn ɛlɛ wo te ne lenɛ ne ɛbhɛ ɛYɛso ɛKiriti gha ninaa ne hame nibhɛ soye niYahodawa na ma sɛ ɛwɛng nga ne ɛTaanggbey ya kɛ sit ɛBaraying nge gha nɛ wo, lenɛ ne ìnang ne itin de te iKabyik ge ne ɛTaanggbey ya kaa ku sim-mɛ wo.

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

iBirani 12:17

ɛTsim mɛ, ɛli ne ˆɛ yɛɛ ɛn no, ɛ kaa i sim te ɛ sɛ kyii ta say ɛwɛng ne ikɔɔn ɛbhɛ gha, ne mbaray ɛbhɛ. Sɔng ɛ kaa ne tang sɛ ɛnkiinɛ ne san ɛbɔk nang, gbik ɛli ne ɛ kaa jung tɔk ɛwɛng ngɛghaa nggyɛ wo nɛ niyilis sa.

iBirani 6:14

ɛTaanggbey ya kaa yɔngɔ, “Nggɛ ku rop naa sit tɛ ne ɛwɛng, naa ne ta yɛk ngɛ ihywee mo de ngisit gbom.”

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.