Ne cwiil ihwɛlɛ njwi ne tuu iSidɔn. ɛYuliyɔs sa ne mɔn ɛBulus segha iyɛnɛng, ɛ kaa tek ɛbhɛ ɛbhɛ yaang nitaay nibhɛ naas ɛbhɛ nikɔn na gbik ne ɛ sim ndɔ ne ihywel da.
Cɛcɛk ɛnggyɛ wo nidɛng nihyɛl la kaa sonɛ nɛ nibhɛ so ninaa ɛndiinday ne ikop pɛghaa nggyɛ wo ne kaa bok ɛbhɛ ɛFupiliyas. Ɛbhɛ kaa ne say njwii ɛ nang njwii ɛlɔ ne ra njwi shɛɛ nɛ nituk itwat.
Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.
Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.
ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.
Daa ɛli ne nten ne bol ɛshara de, sɔng ɛTaanggbey ya sɛ ne san iyɔm ɛnyi gha ne ɛ kɛ sang san iyɔm ɛbyin ninyi na nang. iSan iyɔm be sɛ ne yang re ɛwɛng daa ne hyɛ ɛshara gha.
Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.
ɛTsak, njwɛɛn i yeres ninaa nɛ nibhɛ kɛ rop iku de ninaa ɛwɛng. ˆƐ kɛ phok ɛn ihywee ne rop iku de ne ɛYuba gha kaa rop po, ne ˆɛ ta seng ɛn ɛli ne ɛDaray ya kɛ sit ɛbhɛ ne ɛwɛng nga ne ɛtsim mɛ wo. Daa ɛli ne ɛDaray ya so hyɔrɔ ne rɔ-irway gbik ne san iyɔm.
ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.
ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”
Njwɛɛn i yɛɛ kɛ ku phee iku de, so niken daa ɛli ne njwɛɛn i sim nigwaa njwɛɛn. ɛNyi gha ne ɛ ne sang sim ɛgwaa ɛbhɛ gha, ne ɛ tɔ shɛɛ ishwɛɛ ne iku de.