1 ɛBiturus 3:4 - ɛWee ne ìTsɛm iHywas

⁴ Te izel lɛ yang teye izee ne irway, kaabi izel ne ihywɛɛ gbik ne ìyak ne ihywɛ sang bees se, ihywɛ so ɛkɔn ne dɛp ɛlɔ ɛTaanggbey.

1 ɛBiturus 3:4 ပူးပေါင်းရင်းမြစ်များ

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛMacu 21:5

“Mɔng ɛn ninyi ne iSihiyɔɔna na, ‘ɛGɔm mon nɛghaa ɛ yaaso! Ɛ so lyaak, ɛ kɛ taay daa ɛjaakyi, daa ɛngɔn ɛjaakyi ne ɛ sonɛ.’ ”

ɛMacu 23:26

Nyinɛn niFarisawa wo, ɛ so ɛn nyini ninaa ne iwil! Yang tsa ɛ kuus ɛn ndɔ nihyihyangas sa nɛ nikyee ne re ire mon na, gɔɔ ɛtsim ma yaa ne ma te wɛwɛy.

ɛMacu 5:5

Ninaa ɛwɛng ngaa nggyɛy nɛ nibhɛ roos nɛ lyaak, daa ɛli ne ɛzay ya sɛ teye isha nibhɛ.

ɛLuka 11:40

Niwamang! Nzi bo wu ɛTaanggbey ya ɛbhɛ kɛ ryɔng ɛgɔɔ ne izay yo ne idɔ de gbik.

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

iRooma 1:23

Nibhɛ kɛ sunu re ɛTaanggbey ne ndiinday yegha ntsong, ɛTaanggbey ya ne hame ɛ ku wo, nibhɛ kyi yaa re igunkyi ne iphɛ so te ɛten ɛsii ne iphɛ ku, nɛ ninon, ne inyam ɛhay gbik nɛ nikɔn ne hyel ne ibuu ntsong ngga.

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 7:22

Ndɔ ɛkyukyum ne irway nge, ɛshara ɛTaanggbey ya kɛ jam.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

iGalatiya 5:23

ilyaak, gbik ne wum ito. Sɔng ɛShara gha so daa nikɔn nɛ na wo nang.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

iKɔlɔsi 3:3

Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

1 iTasɔlɔnika 4:11

Kyanke ɛn nyini nɛ te ihywɛɛ mon kyii ɛlɔ ɛdaan, te ˆɛ wɛɛ ɛn ɛtomɛ gha ne ɛ so ɛyisɛ mon na, tɛ ɛrɔngɔ mɔn ɛtomɛ ne ibɔ ɛbhɛ ɛli ne njwi kɛ ku tɔng nyini wo.

2 iTasɔlɔnika 3:12

iHywee nyini yɛdee nggyɛ wo, njwii nep nibhɛ, njwii sin nibhɛ itoro ndɔ ne irywɛɛk ɛDaray ɛYɛso ɛKiriti, njwi bo wu tɛ nibhɛ kyinak ne ihywɛɛ nibhɛ ɛlɔ ɛdaan, nibhɛ mɔn ɛtomɛ ne aa re nɛ nibhɛ.

1 ɛTimɔti 2:2

Te bol ne ɛTaanggbey ya ɛlɔ nigɔm gbik nɛ ninaa nibhɛ bok igbɔm ba, te njwɛɛn shɛɛ ncaang, ne irway ne laal, njwɛɛn nang ɛTaanggbey yegha ne ndiinday ndɔ ne nkpiinɛ da gbik ne ishwɛɛ ne ifɛ so kancɛng ne ishwɛɛ ninaa ne roos.

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

1 ɛBiturus 1:23

Kɛ kyii ta yɛk nyini, sɔng ìyɛk kɛ ne so ìyɛk ne ifɛ sɛ sa nang, ifɛ yang so ìyɛk ne sang sa. Kɛ kyii ta yɛk nyini wo lenɛ ne ibol ɛTaanggbey ne iphɛ so idee ne iken, idee ne inat.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.